پەیاکردن پویل فرەیگ لەژیر رمیاگ ماڵیگ لە تورکیا
2023-02-19T08:53:56+00:00
شەفەق نیوز/ تیمەیل وەرگری شارستانی لە تورکیا، مەوقەی کار مینەکردن و قورتارکردن لە شار غازی عنتاب، دویای ئەو زەویلەرزەی ویرانکەرە لە کەهرمان مەرعش، نزیکەی دوو مەلیۆن دۆلار پەیا کردن، و دانەی دەس پولیس.
تیمەیل مەوقەی دراوردن پویلەگە وە مۆبایل وینەی گردن، و خستنەی ناو کیفیگ سیا، و دانەی دەس پولیس.
کافر یەڵماز سەرۆک ئیدارەی ئاگرکپەوکردن لە شارەوانی غازی عنتاب، وت: فرەجار کەفتە ئیجویر چشتیگ، ک پویل یا چشت گران لەژیر رمیاگەیل پەیا کەن.
ئەندامیگتر لە تیمەگە وەناو غالیب دوردو وت: یەکەم جار تەقەلا دەن مەردم وەزنی لەژیر رمیاگەیل درارن.
وتیش: فرەجار ئیجویر چشتەیلیگ پەیا کەیمن، چشتەیل خەڵکەگە دەیمنە دەس دەسەڵات، و مەردمیش رزگار کەیمن.
