دويەت بیکەس

چەوە ڕێ  خاوەنی   سالەیلِ  ساڵد

وە نقڵانەێ غەمینِ  ئرمسِ ناو 

گوما  لید   هاتێە  ڕێ  ڕاسِ ماڵد

چە‌نێگە  پەشتنی   تاڵەیلِ  ئەزرەت

کەسێ ، دەس  باردە  ساقِ شڵاڵد

سقاند چیلگە پەێ   ئاگرِ   دڵ  

بڵیزە  خەێدنە و پەردەێ   خێالد 

خوەرەیلِ چەو کەژەڵ‌ داگرتێە زەنج

لە  یەک  داشێونێ   پەرچینِ   خاڵد 

وە گووناێ بێ‌کەسیلِ کەس مناسی 

فرە چەو ماخە خەێ  ئەسرِ  زەڵاڵد

ئەقەورە ئاو چکێ  لەو ‌ ئەورِ چاوە 

چمانەێ نوقرە دانە   زەنجِ   چاڵد 

چەقە‌یلِ   ئاگرِ جەرگِ  دەرۊنیش 

کە‌فێدە و ڕیشگِ   چنیاگِ   شاڵد

ئە هاتە  تۊشدەو خەێو  زانِ  لاڵێ

ئڕا تاڵە بێە پاناێ   قەپاڵد 

ئیران عەلی‌کەرەمی