نێچیروان بارزانی: خوازیمن گشت گیچەڵەیل وەرد ئیران چارەسەر بکەیمن
نێچیروان بارزانی سەرۆک هەرێم کوردستان لە کۆنگرەیگ رووژنامەوانی کە لە تەهران وەڕیەو چگ، کە ئیسە سەردانی کەێد، راگەیان: “ئی سەردانە سەرەتای قۆناغیگ نوو پەیوەندییەیل ناوەین ئبران و هەرێم کوردستانە”، سوپاس و پیزانین خوەی ئەرا پیشوازی گەرم ئایەتوڵڵا ریبەر ئیران عەلی خامنەیی، و سەرۆک کۆمار، ئیبراهیم رەئیسی، و سەرۆک پەرلەمان محمد باقر قالیباف و وەرپرسەیل ترەک پیشکەش کرد.
بارزانی وتیش: ئەرا ئیمه له هەرێم کوردستان، پەیوەندییەیل وەرد کۆمار ئیسلامی ئیران فرە گرنگه ، ئەو پەیوەندییەیلە کە وە "میژوویی" باس کرد، چوینکه له وەخت دامەزریان کۆمار ئیسلامی تا ئیسە هاوبەشی فرەیگ لەناوەین هەردوگلا هەس.
سەرۆک هەرێم کوردستان وتیش: کۆمار ئیسلامی ئێران لە وەختە سەختەیل هەمیشە و پشتیوانمان بویە و وتیش: بی گومان بڕیگ کێشە هەس.
هەمیش وت: بەڵام ئەوەگ گرنگە ئەوەسە کە ئیمە تەقەلای چارەسەرکردنیان بیەیمن، ئیمەیش ئیرادەیگ جددی دیریمن لەی رویەوە لە ری ئی سەردانە کە ئەرا ئیران کردیمنە ئەرا چارەسەرکردن ئی کێشەیلە کە لە ناوەینمان هەس، و خوازیمن خاسترین پەیوەندی وەرد ئی هاوسای گرنگە دامەزرینیمن”، دووپات لەوە کرد کە “ئیرادەیگ جددی هەس ئەرا زاڵبوین وەبان ئی باوەتەیلە کە ناکۆکی لە ناوەینمان دروس کەن.”
لە درویژەی قسەیلی وتیش: هەرێم کوردستان خوازێد جویر فاکتەر جیگیرکردن سەقامگیری و ئاسایش لە ناوچەگە بمینێد و ئی سیاسەتە رەگ و ریشەی قویلیگ لە ناوچەگە دیرێد، ئیمەش وەردەوام بویمن لەلی.
لەباوەت هەڵوژاردن یاسادانان لە هەرێم، کە بڕیارە لە سەرەتای مانگ حوزەیران ئایندە لە هەرێم کوردستان وەڕیەو بچوود، سەرۆک نێچیروان بارزانی وت: ئیمە جویر تەوەریگ لە گشت دایدار و گردەوبوینەیل باس ئی باوەتە نەکردیمنە، ببجگە پرسیارکردن لە مەوقەی جیوەجیکردنی، و لەوە زیاتر باسیگ لەلی نەکریا.
دووپاتیش کرد کە "ئیمەیش جویر سەرۆک هەرێم کوردستان مەوقەگەی دیاری کردیمنە، تا ئی وەختە ئاڵشتکردنیگ لە رووژ دەنگدان نەکردیمنە، بەڵام ئەوەگ گرنگە ئەنجامدان هەڵوژاردنە کە گشت لایەن و هیزە سیاسییەیل کوردستان لەبانی رێک بکەفن."
وتیش: پرسایەتیی جویر سەرۆک هەرێم کوردستان پشتیوانیکردن هویچ حزب و فراکسیۆنیگ نەکەێد، بەڵکم بایەسە مقەیتی بەرژەوەنیەیل کوردستان بکەێد و هەر گامیگ بنەرد لەو چوارچیوە بوود، و دووپات کرد خوازیاری هەڵوژاردنیگە که هەیچ لایەنیگ لەناوی خوەی وە شکستی نەوینێد، و لایەنیگ وە وە سەرکەفتگ بوینێد، و ئەو جویرە هەڵوژاردنە لە بەرژەوەنی هاوڵاتیەیل هەرێم کوردستان نیین.
نێچیرڤان بارزانی وتیش: دەسەڵات جیوەجیکردن و دادوەری عراق وەگەرد ئیمە خاوڕان کە نەبایەس چشتیگ روی بیەێد که پەرشوبڵاو هەرێم کوردستان زیاتر بکەێد.
سەرۆک هەرێم کوردستان لە قسەیلی لەباوت سەردانەگەی ئەرا ئیران وتیش: ئی سەردانە ئەرا تەهران و ئاست گشت دیدارەیل ئەوە ڕەرامان دەرخەێد کە قۆناغیگ نوو پەیوەندییەیلمان دەسوەپی کردگە و بایەسە هەردوگلا وە هویردی چەودیاریی بکەن و گیچەڵەگە وەرجە دروسبوینی چارەسەر بکریەێد لەڕی لەیەکفامستن هاوبەش لە ناوەین هەردوگ لایەن، وتیش: کە سەردانەگەی وەرجە چەن مانگیگ ئامادەکاری ئەرای کریاس، و وە شەو و رووژیگ نەهات.
سوپاس لە محمد شیاع سودانی سەرۆکوەزیرەیل عراق کرد ئەرا پاڵپشتیکردنی لەی سەردانە، کە لەڕی گردەوبوینیگ "نهێنی" وەگەردی ئەنجامدریا، وەخاتر رەسین وەی ئەنجامە وە سەردان تەهران ئامادەکریا.
دووپات لەوەیش کرد کە وەرپرسەیل ئیران گاڵ هەولێر و بەغدا دەن ئەرا چارەسەرکردن ناکۆکی و کێشە گیرهاتگەیل ناوەین حکومەت فیدراڵی و حکومەت هەرێم.
