وەزیر دەیشت ئۆکرانیا سوو رەسێدە بەغداد
2023-04-16T12:40:09+00:00
شەفەق نیوز/ وەزارەت دەیشت عراق، ئمڕوو یەکشەممە، راگەیان؛ وەزیر دەیشت ئۆکرانیا دمیترۆ کولیبا، سوو سەردان بەغداد پایتەخت کەێد.
ئەحمەد سەحاف قسەکەر وەزارەت دەیشت عراق لە وتاریگ رووژنامەوانی رەسیە ئاژانس شەفەق نیوز وت: دیمیترۆ کولیبا وەزیر دەیشت ئۆکرانیا سوو رەسێدە بەغداد، ئەرا باسکردن لە قایمکردن پەیوەندیەیل دووانەکی، و راویژکاری لە چوینیەتی رەفتارکردن وەرد باوەتەیل جویراجویر، و سەختیەیل هەرێمی و ناودەوڵەتی لە ناوچەگە.
سەحاف دیاری کرد ک کولیبا ئەوەسا لە سەردانەگەی چەوی کەفێدە محمد شیاع سودانی سەرۆک وەزیرەیل، و فوئاد حسێن جیگر سەرۆک ئەنجومەن وەزیرەیل وەزیر دەیشت.
