کەشناسی عراق.. تا رووژ جمعە وارانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، لە ناوچەی ناوڕاس و باکوور، نیمچە ئەورە وەگەرد وارانەیلیگ جیاجیا و وەشەو زیایەو بوود، و پلەی گەرمی لە ناوچەی باکوور نزیک رووژ وەرجە خوەیە، و لە ناوچەی ناوڕاس و باشوور کەمیگ بەرزەو بوود.
وتیش: رووژ جمعە، لە ناوچەی ناوڕاس و باکوور نیمچە ئەورە تا ئەور تەواوە، وەگەرد واران وارین، و لە بەشەیل خوەرهوەڵات لە ناوچەی باشوور واران و ئەور و تریشقەس، وەگەرد دەرفەت لافاو لە ناوچەیل سنووری، و پلەی گەرمی لە ناوچەی باکوور چەن پلەیگ نزمەو بوود، و لە ناوچەی باشوور چەن پلەیگ بەرزەو بوودر و لە ناوچەی ناوڕاس نزیک رووژ وەرجە خوەیە.
دیاری کرد کە رووژ شەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە، وەگەرد دەرفەت واران، و پلەی گەرمی لە ناوچەی ناوڕاس و باکوور کەمیگ بەرزەو بوود، و لە ناوچەی باشوور نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ یەکشەممەی ئایندە، وەگشتی رووشنە وەگەرد لەکە ئەوریگ، و پلەی گەرمی لە ناوچەی ناوڕاس و باکوور نزیک رووژ وەرجە خوەیە، و لە ناوچەی باشوور چەن پلەیگ بەرزەو بوود.
