نەتەوە یەکگرتگەیل مەزەنەی شمارەی کوشیاگەیل مەدەنی لە ئۆکرانیا کەێد
2023-04-12T07:37:59+00:00
شەفەق نیوز/ نویسینگەی کۆمسیۆن نەتەوە یەکگرتگەیل ئەرا کاروبار کووچبەرەیل وت: شمارەی کوشیاگەیل مەدەنی لە پەلامار رووسیا لەبان ئۆکرانیا هاتە نزیک ٨٥٠٠ کەس، وتیش: هاتێ هەزاران کوشیاگیش بوود نەکەفتنەسە هەشمار.
وتیش: ٨٤٩٠ کوشیاگ و ١٤٢٤٤ زەخمدار لە ٢٤ شوبات ٢٠٣٣ تا ٩ی نیسان ٢٠٢٣ توومار کریاگە.
فرەی کوشیاگەیل لەناو ئەو زەویەیلە توومار کریان ک هاژیر دەس ئۆکرانیا و کەفنە وەر پەلامار رووسیا، لەوانە؛ ٣٩٢٧ کوشیاگ لە ناوچەیل دونیستک و لۆگانسک ک جەنگ سەختیگ هاناویان.
نویسینگەی کۆمسیۆنە نەتەوەیەگە وتیش: شمارە راسیەگە فرە لەیە بەرزترە، چوینکە زانیاری لە ناو جەنگە سەختەگە دیر رەسێد، و فرە لە راپۆرتەیل دووارە نووڕین خوازن.
