لە ماوەی یەک رووژ... ئۆکرانیا ٦٣ گلە دۆنێتسک وە ٣٥٧ گولە بمباران کرد
2023-05-17T06:43:35+00:00
شەفەق نیوز/ نوینەر کۆمار گەلی دۆنێتسک لە ناوەند هاوبەش وەشوینکەفتن و هەماهەنگی باوەتەیل بە تاوانەیل جەنگ ئۆکرانیا، ئمڕوو چوارشەممە، لە راپۆرتیگ راگەیان ک هیزەیل ئۆکرانیا لە ماوەی ٢٤ ساعەت گوزەشتە ٦٣ گلە خاک کۆمارەگە بمباران کردگە، هەرلیوا ٣٥٧ گولە جویراجویر وەشانیە.
نوسینگەی نویەنەرایەتی لە بەیاننامەیگ لەبان ماڵپەڕ فەرمی خوەی لە "تەلەگرام" وت: "لە ماوەی 24 ساعەت گوزەشتە نوینەرایەتیەگە 63 رویداو تووپواران لەلایەن هیزەیل ئۆکرانیا توومار کردگە، و دوژمن 357 تووپواران لە جویرەیل جیاواز وەشانیە".
نوینەر کۆمار گەلی دۆنێتسک لە بەیاننامەگەی وت: بمباران هیزەیل ئۆکرانیا ناوچەیل نیشتەجیبوین، گۆرلۆڤکا، زایتسێڤۆ، یاسینۆڤاتایا، دۆنێتسک، ئۆزەریانۆڤکا، پانتێلیمۆڤکا، کراسنی پارتیزان، ئەلێکساندەرڤکا، یێڤگنۆڤکای کردەسە ئامانج.
