كوشيان و زەخمداری ٣٧ کەس وە گەردەلویل لەناو کامپیگ گەشتیاری لە رووسیا
2023-07-30T11:37:51+00:00
شەفەق نیوز/ دەسەڵاتەیل رووسیا، خەوەردان ک ئامار ئەو قوربانیەیلە لە ئەنجام گەردەلویل سەختیگ لەبان کامپیگ گەشتیاری لە کۆمار ماری ناوڕاس رووسیا، رەسیە ٨ کوشیان و ٢٩ زەخمدار.
فریاکەفتن رووسیا لە بەیاننامەیگ وت: تیمەیل رزگارکردن وەردەوامن لە لاوردن شوین رمیان و ویرانی لە گەردەلویل کۆمار ماری ئیل، وەتایبەت لە کامپ گەشتیاری نزیک دەریاچەی یالچیک و لە ریوبانەیلی.
بەیاننامەگە وتیش: ئەرا بەدبەختی، شمارەی قوربانیەیل رەسیە ٨ کەس، وەگەرد ٢٩ زەخمدار، ١٦ کەسیان ئەرا خەسەخانە بریان.
