رووسیا بەلەمیگ ئۆکرانیا نزیک سەکوەیل غاز لە دەریای سیا ویران کەێد
2023-08-22T07:39:13+00:00
شەفەق نیوز/ وەزارەت وەرگری رووسیا ڕاگەیان؛ شەو گوزەشتە فڕۆکەی جەنگی سو-30SM سەروا بەلەم دەریای بەلەمیگ سیخوڕی ئۆکراینی شکان، کە لە سەکوەیل دەرهاوردن غاز ڕووسیا لە دەریای سیا نزیکەو بویە.
وەرگری رووسیا لە شەفەق ئمڕوو پەلاماریگ (تیرۆریست) ئۆکرانیای پویچەڵ کرد وە ٤ فڕۆکەی بێفڕۆکەوان کە مۆسکۆی پایتەخت و ناوچەی برایانسکی باشوور خوەرئاوای رووسیا کردە ئامانج.
ئیوارەی دویەکە دووشەممە، وەرگرییەیل رووسیا وڵ دوو فڕۆکەی بێفڕۆکەوان کە نیمچە دوورگەی کریمەیا کردوینە ئامانج، پەلاماریگ ئۆکرانیا وەرپەرچ دادەو.
هیزەیل کیێڤ زەردەوامن لە دەسکردن پەلامارە تیرۆریستیەیل وە دڕۆن لەبان ئامانجەیل مەدەنی لە رووسیا، کە وەمدوو وەرگرییەیل رووسیا وە کاریگەرییگ بیوینە پویچەڵ کریەنەو، سەرەڕای ئەوە کە کیێڤ پەنا بەێدە وەکارهاوردن جویرەیل دڕدن خوەرئاوایی و ناوخوەیی و تەنانەت سۆڤیەتی.
