دویای نەمسا.. فەرەنسا کاروانەیل ئاسمانیی وەرەو ئیران وسنێد

 کڕ ئاسمانی فەرەنسی، ئایر فرانس، ئمڕوو شەممە، وسیان کاروانەیلی وەرەو ئیران ڕاگەیان، لەوەر ئەو گرژییە کە لە ناوچەگە زاڵ بویە.

 وەزارەت دەرەوەی فەرەنسا وەرجەیە داوا هاوڵاتیەیل وڵاتەگەی کرد کە گەشت وەرەو ئیران، لوبنان، ئیسرائیل و فەلەستین نەکەن، یەیش لە وەختیگ کە ئیران هەڕەشەیلی دژوە ئیسرائیلە.

 یەیش دویای ئەوە تیەێد کە کڕ ئاسمانی نەمسا وسیان گشت کاروانەیلی  ئەرا ئیران تا ١٨ی نیسان ڕاگەیان.

 دویەکە جمعە، کڕ ئاسمانی نەمسا کە دویا کۆمپانیاس لە ئەوروپای خوەرئاوا کە هیمان کاروانەیلی وەرەو ئێران وەڕیەو بەێد، راگەیان کە لە ژیر رووشنایی پەرەسەنین گرژی و ئاڵووزییەیل ناوچەگە، گشت کاروانەیلی لە ڤیەننا ئەرا تەهران تا ١٨ی نیسان وسان.