تەقینەوەیلیگ لە دەورگرد سەربازگەی ئاسمانی رووسیا لە نیمچە دوورگەی قرەم

شەفەق نیوز/ زنجیرەیگ لە تەقینەوە لە ناوچەی سەربازگەی ئاسمانی رووسیا لە نیمچە دوورگەی قرەم هەڵسیا.  

وینە وپارچە ڤیدیۆ لەبان سۆشیال میدیا بەرزەوبوین دویکەڵ فرەیگ لە دەورگرد سەربازگەی ئاسمانی لە نوفوفيدوريفكا لە کناراو نیمچە دوورگەی قرەم نشان دان.  

خەوەریگ لەلاین ئۆکرانیا لە هویچ پەلاماریگ لەو ناوچە ئاشکرا نەکریایە، و پەلاماریگ لەلایەن ئۆکرانیا لەبان زەوی قرەم هەرلە دەسکردن وە داگیرکردن رووسیا تا ئیسە دیار نەویە. 

دویای ئەوە، ئاژانس راگەیانن رووسیا لە زوان وەزارەت وەرگری وت: ئەو تەقینەوە لە سەربازگەی رووسیا لە نیمچە دوورگەی قرەم، ئمڕوو سێشەممە، لە تەقیان کەرەستە هاتیە، و هویچ قوربانی لەلی نەکەفت.