وەخشین بکوش کارداشیان پاکستان

شەفەق نیوز/ دادگاییگ پاکستان،  برای هەسارەی سۆشیال میدیا قەندیل بلوش ک وەپی ئۊشن کارداشیان پاکستان، لە تاوان کوشتنی لە ساڵ ٢٠١٦ وەخشی، ک بۊە تووڕەی مەردمەگە لە ئاڵشتبۊن یاسایلە وئەو جۊرەگ ری وە تاوانەیل شەرەف دەێد.   

لە ساڵ ٢٠١٩ فەرمان زیندانی هەتایی لەبان محند وەسیم برای قەندیل دەرچگ، باوجی لەی ماوەیلە داوای دوارەنووڕاتن لەو فەرمانە کریا لەلایەن پارێزەرەگەی، ک لە دادگایگ لە شار ملتان ئەو فەرمانە پۊچەڵ کریا، و بیگوناه کریا. 

وەسیم وت: داڵگیشی لەناو دادگاگە وەخشیەسەی. 

وەسیم لە کۆنگرەیگ راگەیانن لە ساڵ ٢٠١٦ وت: خوەی خوەشک ٢٦ ساڵانی وە خنکانن کوشتیە، ئەوەیش لەوەر چالاکیەیلی لەبان سۆشیال میدیا.