وینە.. واران میوانیگ بیزارکەر فیستواڵ فیلم کان بوی
باەجی واران رووژ دویەم بویە نیشانەیگ ئەرا نائارامکەن میوانەیل ئی فێستیڤاڵ دێرینە.
ک زیاتر لە ٣٥ هەزار سینەمادووس لەناوی گردەو بوینە، لەوانە دەرهێنەر و رووژنامەنویس، ک لە جەهانەو هاتنە ئەرا تەماشاکردن نووترین فیلمەیل ناودەوڵەتی.
ئیدارەی فیستواڵەگە زیاتر لە ٧٠ فیلم خەیاڵی و دۆکیۆمێنتاری و کوڵە فیلم لە ٢٧ وڵاتەو پێشکەش کەێد.
دویای رووژیگ لە وازکردنی، رووژ دویەم دەسکردە واران ک هاتی تا چەن رووژیگ وەردەوام بوود.
خوەر بەشیگە لە ناسنامەی کان
لەباوەت پەیوەندی فیستواڵەگە وە رەوش کەشوهەوا، فابریس ئالارد، وەرپرس بەش تەرخانکردن لە فیستواڵ کان، وە میدیایل راگەیانن وت؛ هەسی رووشنایی خوەر لە ماوەی فیستواڵەگە باوەتیگ گرنگە، یەیش رەنگینی ئی رویداو سینەمایی گەورە زیاتر کەێد.
لە سەرەتای دامەزرانن فیستواڵەگە لە ساڵ ١٩٤٦ەو، رێکخەرەیل فیستواڵەگە سێ فاکتەر بنەڕەتی گردنەسە مل، ک وە گەوهەری دانریەێد ئەرا سەرکەفتن هەر رویداویگ سینەمای جەهانی.
بیجگە لە کوالیتی فیلمەیل و میوانەیل، کەشوهەوای تاوسان جویر مدوویگ سەرەکیە ئەرا هاتن خەڵک وەرەو کان.
ک شار کەنار دەریایی کان ک شیوەی دەریایی کەو و دڵڕفن دیرێد، دەرفەت دەێدە سەردانکەرەیل لە کەناراوەیل رەنگین ریڤێرا فەرەنسا ک وەدرویژی جادەی لا کرۆیسێتە لە رووژەیل فیستواڵەگە هوچاپانیگ بوەن.
لەو شوینە کە پلەی گەرمی ئەرا خوار بیس و چوار پلە نەهاتە خوار، و لە گوزەشتە تا سی پلە بویە.
لەباوەت وەڕیەوبردن ڕێکخستن فیستواڵەگە، ئەو ئاڵشتکاریە ک کەشوهەوای جەهان وەخوەی دوینێد، ساڵانە وە ئاشکرا رەنگدانەوەی لەبان فیستواڵەگە هەس.
تا ئیسە ئاهەنگ فیستواڵەگە وە شیوەیگ بیدەنگ وەردەوامە، لە وەختیگ سەردانکەرەیل ئومید خوازن وەی زویە ئاسمان پاکەو بوود.
