میسی: مارادۆنا لە ئاسمانەو چەوی ها پیمان

میسی: مارادۆنا لە ئاسمانەو چەوی ها پیمان
2022-12-10T10:30:52+00:00
شەفەق نیوز/ لیونێل میسی ئەسارەی هەڵوژاردەی تووپان ئەرجەنتین، وت: هەس کەم دیێگو مارادۆنا لە گشت بازیەگەی جام جەهانی لە قەتەر وەگەردمان بویە، و لە بازیەگەی رووژ جمعەیش هەنای وە تووپەیل سزا وە ئەنجام ٤ وە ٣ لەبان هۆڵەندا بردەو، و رەسیە خول وەرجە کۆتایی.

میسی لە بازیەگەی ئەرجەنتین وەرد هۆڵەندا، گۆڵەگەی ناویل مولینا دروس کرد، و کۆڵیگیش وە تووپ سزا توومار کرد.

باوجی هۆڵەندا رکدار بوی، و تا دویاترین چرکە لە بازیەگە دوو گۆڵ توومار کرد ، تا بازیەگە رەسیە تووپەیل سزا، دی لەورا ئەرک ئمیلیانۆ مارتینیز هاتە دەر، ک دوو تووپ لە بازیگەرەیل هۆڵەندا دویر خست، تا لە ئەنجام بازیەگە ئەرجەنتین رەسیە سەرکەفتن.

میسی ئەرا رووژنامەنویسەیل وت: مارادۆنا لە ئاسمانەو چەوی ها پیمان، ک بویەسە هاندەریگ ئەرامان، و وەڕاسی ئومید دیرم تا کۆتایی وەیجویرە بمینێد.

میسی وتیش: هەنای لاوتارۆ گۆڵ کرد و رەسیمنە سەرکەفتن، خوەشی گەورەیگ چیە ناو مەردم، و یەک قورسی کەپیگ لەبان سینەمان لاوریا، وەڕاسی بازی فرە سەختیگ بوی.

Shafaq Live
Shafaq Live