میتا ئەرا مقیەتیکردن ٤٠٠٠ زوان لە فەوتیان پەنا وە زیرەکی دەسکرد بەێد
میتا ئی نموونەیلە بە "نموونەی قسەکردن وە شیوەیگ فراوان" یا MMS ناوی برد، و باس ئەوە کرد ک توەنێد دەق بکەێدە قسەکردن و گلەوداین وە زیاتر لە ١١٠٠ زمان، ک دە ئەوەنە لەوەگ جارانی زیاترە.
کۆمپانیا ئەمریکیەگە وتیش: یەکیگ لە ئامانجەیل پشت پەرەپیدان ئی نموونەیلە مقیەتیکردن زوانەیلە لە رخ فەوتیان، ک کۆمپانیاگە لە بەیاننامەیگ لە ماڵپەڕ فەرمی خوەی وت: فرە لە زاوانەیل جەهان کەفنە رخ نەمان، و سنووردارکردن قسەکردن و تەکنەلۆژیای رەسانن ئیسە نیەتوەنن مەگەر تەنیا زویتکردن ئی کارە بکەن.
میتا نموونە نووەیلی کردە سەرچەوە واز، تا توێژەرەیل بتوەنن دەسوەپی بکەن و بەشداری بکەن لە گەشداین وەخاتر دەسمیەتیداین لە مقیەتیکردن زوانەیل جەهان.
شیوەیل فرەیگ هەس ک هاتێ تەکنەلۆژیای قسەکردن لە بنەمای زیرەکی دەسکرد وەکار باێد، وەپەی میتا، جویر خزمەتگوزاری نامە کلکردن، تەکنەلۆژیای واقیعی مەجازی و واقیعی زیای کردگە، ک گشت دەنگەیل هاناوی، و خزمەت وەکارهاور وە زوانی دڵخواز خوەی کەێد.
ناسین قسەکردن و نموونەی دەق ئەرا قسەکردن راهێنان هەزاران ساعەت خوازێد، وە توومارکردن دەنگ وەرد نویسیاگەیل، یەیش فرە گرنگە تا وە شیوەیگ دروسانە لە دەقەیل بفامن.
میتا گیچەڵ لە گردەوکردن توومارە دەنگییەیل ئەو زوانەیلە داشت ک وە شیوەی فرەیگ قسە وەپیان نیەکریەێد، چوینکە ئەو زانیاریایلە ک ئیرنگە هانە وەردەس تەنیا ئەو ١٠٠ زوانە گرێدەو ک فرەترین قسە وەپیان کریەێد لە ئاست جەهان.
میتا پەنا وە وەکارهاورەیل شیوازە کوینەیل برد تا ئەو سەختیەیلە بنەێدە پشتسەر، و توومار دەنگی دەقە ئاینیەیل هەڵگەردانکریاگ ئەرا زوانە جیاوازەیل گردەو کرد، ئەو توومارەیلە وەرد ئەڵگەردانی کردە بەڵگە، هیشت ٣٢ ساعەت داتا بکەفێدە دەس میتا، ئەرا زوانەیل کەم باو، و بڕ زوانەیل ناو فۆرمەیلی ئەرا زیاتر لە ٤٠٠٠ زوان زیای کرد.
میتا لە بانان وەدویای پشتگیریکردن زوانی زیاتر کەفێد لە نموونەیل زوانەیلی ک لە بنەمای زیرەکی دەسکرد دامەزریاگە، یەیش بیجگە لەوەگ بتوەنێد رەفتار وەرد زاراوە جیاوازەیل هەر زوانیگ بکەێد، کە تا ئیسە ئاسان نییە.
