سەگیگ وەناو "سپايك" وە پیرترین سەگ لە جەهان چوودە ناو کتاو گینیس

سەگیگ وەناو "سپايك" وە پیرترین سەگ لە جەهان چوودە ناو کتاو گینیس
2023-01-21T08:15:59+00:00
شەفەق نیوز/ "سپايك" سەگیگە چوودە ناو کتاو گینیس، جویر گەورەترین تەمەن لەناو سەگەیل جەهان.

سپایگ لە تەشرین دویەم ١٩٩٩ هاتیەسە جەهان، لە ویلایەت ئویاهو ئەمریکا، و هەنای جویر کۆنترین سەگ چیە ناو کتاوەگە تەمەنی ٢٣ ساڵ و ٧ رووژ بوی.

گینیس لە بەیاننامەیگ وت: ئەو سەگە ک وەرجەیە درویژترین تەمەن داشت وەناو بلوێ بوی، و لە ساڵ ١٩٣٩ لە تەمەن ٢٩ ساڵ و ٥ رووژ توپیە.

وتیش: ریتا کیمبال ئەو ژنە خاوەن سەگەگە، لە گەراج ماشین لەلای دوکانیگ بەقاڵی لە ساڵ ٢٠٠٩ پەیای کردیە، و نزیکەی ١٤ ساڵ ئیوەتی کردیە.

وەگورەی بەیاننامەگە، کیمبال وایە هەنای سەگەگە پەیا کردیە خوین لە دەور ملی بویە لەوەر زنجیریگ یا پەتیگ، و خاوەن دوکانەگە وتیە یە سێ رووژە سەگەگە ها ئی ناوە.

وتیش: سەگەگە ئەو مەوقە تەمەنی ١٠ ساڵ بویە، و بردیەسەی ئەرا ماڵ.

Shafaq Live
Shafaq Live