ڤیدیۆ... جادەی شانزەلیزێی پاریس پڕ بۊیە لە پەس
شەفەق نیوز/ وەبوونەی وازکردن پێشانگەی ناودەوڵەتیی کشاوەرزی لە پاریس پایتەخت فەرەنسا، رەیەن پەسەیل ک 2022 سەر کاور لەناوی بۊ، وە جادەی شانزەلیزێی ئەو شارە رەدبۊن.
10 رووژ وەرجە ئیسە، پێشانگەی ناودەوڵەتیی بازرگانی و کشاوەرزی لە پاریس پایتەخت فەرەنسا دەسوەپیکرد، ک کشاوەرز و خاوەندارەیل ئاژەڵ لە سەرجەم ناوچەیل جیهان جەمەو بۊن.
لەی بوونە ٥٠ هونەرمەن لە ناوچەی بێرن رەیەن گەورەیگ پیشکەشیان کریا، لە کاروانیگ ک درۊژیەگەی ئەرەسییە یەک کیلۆمەتر، وەگەرد ئەوەیش جەماوەر و ئامادەبۊیەیل سەمای نەتەوەیی ئەنجام دان، وە ئامادەیی ئان هیدالگۆ پارێزگار پاریس و جان کاستی، سەرۆک وەزیرەیل فەرەنسا وەڕێەوچی.
یە یەکەمین جارە ک رۊداویگ لەی جۊرە لە شانزەلیزێ رۊ بەێد و جاک بیدۆنتای ڕێکخەرەگەی “Béarn transhumance” راگەیان، نمایشەگە گرنگ بۊە “ئەرا رووشنایی خستن وەبان ناوچەی بێرن ک تایبەتە وە ئیمە و شۊنناسمانە”.
