دۊای سێ رووژ لە چەپاڵەگە.. کریس رۆک هاتە دەنگ

دۊای سێ رووژ لە چەپاڵەگە.. کریس رۆک هاتە دەنگ
2022-03-31T13:51:04+00:00

شەفەق نیوز/ کریس رۆک ئەکتەر کۆمیدیان ئەمریکی، هۊچ قسەیگ لەدەمی نەهات لەبان شانۆی بەشەوکردن خەڵاتەیل ئۆسکار،  هەنای ویل سمیت چەپاڵەیگ دالی، و تا سێ رووژ بیدەنگ بۊ. 

سایت خەوەری  (variety) وت: رۆک ک هەنەکی وە سەر تاشیاگ ژنەگەی ویل سمیت کرد، دۊای سێ رووژ هاتە دەنگ، هەنای ئەرا یەکەم جارە وەشیوەیگ کۆمیدیانە باس ئەوە کرد. 

رۆک لە سەرەتای نمایشیگ کۆمیدی لە شار بۆستن لە ویلایەت ماساچوستس، ئیوارەی چوارشەممە،  وە: "ئۆه" و "ئۆک" دەسوەپی کرد،  ک مەوقەی چەپاڵەگەیش هەر ئەو دوو ووشە وت.  

جەماوەر رۆک (٥٧ ساڵان) وە چەپڵەی گەرمیگ تا ماوەی دوو خولەک پیشوازی لەلی کردن، ئیجا باس چەپاڵەگە کرد و وت: چشت فرەیگ نەیرم تا باسی بکەم، ئەگەر ئیوە هاتینە تا گووش لەوە بگرین، وەختیگ تر باسی کەم، و بوودە باسیگ لە  تراژیدیا و کۆمیدیا.

Shafaq Live
Shafaq Live