براوەیگ نۆبل خەلاتەگەی ئەرا دەسمیەتیدان زاروویەیل ئۆکرانیا فروشێد

شەفەق نیوز/ یەکیگ لە براوەیل خەڵات نۆبڵ ئاشتی، ک رووژنامەنووسیگ ڕوسییە، مەدالیاگەی وە بڕە پویل فرەیگ فرووشت، ئەرا ئەوەگ جویر دەسمیەتيیگ پێشکەش وە زاڕوویەیل ئۆکرانیا بکەێد، ک لەوەر پەلامارەیل ڕوسیا تویش نەهامەتی بوینە. 

دێمیتری مۆراتۆڤ ک لە مانگ تەشرین یەکەم پارەکە وەگەرد ماریا ڕێسا ڕۆژنامەنووس فلیپینی، خەڵات نۆبڵی ئاشتیی وەپیان بەخشریا، لە ئی هەفتە مەدالیاگەی وە بڕە پویلیگ خەیاڵی فروشت، ک وە گرانترین نرخ دادەنرێد تائیسە خەڵاتەیل نۆبڵ لەکات فروشتنی تووماری کردنە. 

مەدالیاگەی موراتۆڤ وە بڕ 103 ملیۆن و 500 هەزار دۆلار، لە زیادکردنیگ لە نیویۆرک فروشیا، وئەو برە پویلەش وە لایەن خاوەنەگەی بەخشریایە رێکخریاگ یونسێڤ سەر وە نەتەوە یەکگرتگەیل ئەرا دەسمیەتی ئەو زاڕوویەیلە لەوەر پەلامارەیل رووسیا ئاوارە بوینە.