یابان رۆبۆتیگ لە شیوەی بزن دروس کەێد
2022-03-21T07:05:10+00:00
شەفەق نیوز/ کۆمپانیایگ یابانی ک ناسریاگە وە " کاواساکی" گشت جەهان تۊش شۆک کەێد، لەوەر ئەوەی رۆبۆتیگ بزنی دروسکردیە و وە یەکیگ لە گەورەترین رۆبۆتەیل دانرێد.
ماڵپەڕ "ئۆدیتی سێنتراڵ" هەواڵیگ لەبان پێشانگایگ تەکنەلۆجی ناودەوڵەتی ئەرا ساڵ ٢٠٢٢ بڵاوکردیە.
لە پێشانگاگە کۆمپانیای "کاواساکی" سەرنج میدیایەیل ئەرا لای خوەی کیشایە، ک رۆبۆتیگ وەشیوەی بزن خستیەسە رۊ ک کێشەگەی نزیکەی ٩٩ کلیۆگرام بوود، ناوی لە بزنیگ رەسەنی یوراژیا و ئەفەریقا وەرگیریایە و وەپی ئۊشرێد " IBEX".
" ئێبیکس" توانای خاسیگ دیرێد و تۊنێد لە شۊن خوەی بچەمێدەو و کەسەگە لەبان پشت پل خوەێد، لەوەر ئەو چەرخەیلە لەژیر زرانی دروسکریایە تۊنێد بچوودە بان ریەیل سەخت و بەرزایی.
