ئەڕاچە سەگ کەفێدە شۊن خاوەنی؟
شەفەق نیوز/ رووژنامەی "میڕور" بەریتانی، پرسیاریگ کرد ک ئایا ئەڕاچە سەگ کەفێدە شۊن خاوەن خوەی، و وت: سەگ خاسترین برادەر ئایمە، و هەمیشە هانە قەیمانەو، باوجی ئەڕاچە هەمیشە کەفێدە شۊنمان؟.
رووژنامەگە پرسیارەگەی خستە وەرچەو چەن پسپۆڕیگ جۊر کاڕۆلین سبینسەر خانمە پسپۆڕ رەفتار سەگ، ک وت: ٣ هووکار هەس هیلێد سەگ بکەفێدە شۊند.
و دیاری کرد ک یەکەم هووکارەگە ئەوەسە ک خاوەن سەگەیلە وەخوەیان نێزانن ک هەنای نووڕنە سەگەیلە و دۊر کەفن، وەوجۊرە هیلن بکەفنە شۊنیان، ک ئەوە نشانەیگە سەگەیلە لەلی رەسنەو ک ئەوە داواکردنە ک بکەفە شۊنم.
وتیش: هووکار دۊەم ئەوەسە ک سەگ هەمیشە ئومید دیرێد خواردن بکەفێدە دەسی، و هۊر خاوەنەگەی لەلای بوود.
وتیش: هووکار سیێەم ک کەمیگ دڵگران کەێد، ئەوەسە ک سەگ رخی چوود جیاوە بوود، و دیاری کرد ک سەگەگە ئەرا گشت شۊنیگ کەفێدە شۊن خاوەنی، چۊنکە نێخوازێد تەنیا بمینێدە جی، یا لە لەخاوەنی جیاوە بوود.
