کوردستان ٢٠ مردن و زیاتر لە ٦٠٠ تۊشهاتن کۆڕۆنا توومار کەێد

شەفەق نيوز/ وەزارەت تەندروسی لە هەرئم کوردستان، ئمڕوو شەممە،  راگەیان توومارکردن ٢٠ مردن و زیاتر لە ٦٠٠ تۊشهاتن نوو وە ڤایرۆس کۆڕۆنا لە ماوەی ٢٤ سەعات گوزەیشتە.

وەزارەتەگە لە بەیاننامەیگ رەسیە ئاژانس شەفەق نیوز وت: تاقێگەیلی لە ماوەی ٢٤ سەعات گوزەیشتە لە گشت هەرێم کوردستان، ٦٥٧٩ تاقیکردنەوەی ئەنجام دانە، لەناویان ٦٠٦ تۊشهاتن دیاری کریا، وەیجۊرە بەشەو بۊین: هەولێر ١٠٦، سلێمانی ٥٣، دهۆک ٤٢٣، ڕاپەڕین ٢٤.

بەیاننامەگە وتیش؛ مردنەیل ئمڕوو لەوەر پەتاگە رەسیە ٢٠ کەس، وەیجۊرە بەشەو بۊین: هەولێر ١٢، سلێمانی ٢، دهۆک ٣، هەڵەبجە ١، وتیش؛ لە خود وەختەگە ١٤٦١ بیمار لە پەتاگە خاسەو بۊین.