وێنە.. ئاسایش دوو کەس گرێد زیاتر لە ١٥٠ هەزار دۆلار لە کۆمپانیایگ دزینە
2021-08-07T12:01:09+00:00
شەفەق نیوز/ وەڕێۆبەرایەتی ئاسایش لە ئیدارەی ناوچەی گەرمیان لە هەرێم کوردستان، ئمڕوو شەممە، راگەیان دەسگیرکردن دوو کەس وە توومەت دزیکردن ١٥٠ هەزار دۆلار لە کۆمپانیایگ بەرهەمهاوردن لە ناحیەی رزگاری سەروە قەزای کەلار.
عوسمان عەبدولکەریم قسەکەر وەڕێۆبەرایەتیەگە لە بەیاننامەیگ ئمڕوو وت: دویای لێکۆڵینەوەی گشتگیریگ، و گردەوکردن بەڵگەیلە لەلایەن ئاسایش گەرمیان، وەهاوکاری پۆلیس رزگاری، چەن گومانلیکریایبگ خریانە ژیر چەو.
وتیش؛ دوو کەس لە گومانلیکریایەیل وە توومەت دزیکردن ئەو پویلەیلە دەسگیر کریان، و لەناو لێکۆڵینەوەیل نەچگنە ژیر تاوانەگە، وەلێ دویای نشاندان بەڵگەیلە ئاشکرای کردەوەی خوەیان وە تاوان دزیەگە کردن.
قسەکەرەگە هەمیش باس دەسناین وەبان ١٥٠ هەزار دۆلار ئەمریکی و ٥٩١ هەزار دینار عراقی کرد ک لەلای توومەتبارەیلە بویە.
