وەماوەی دوو رووژ.. ٣٠ هەزار گەشتیار روی کردە سلێمانی
2022-05-04T09:03:43+00:00
شەفەق نیوز/ وەڕێەوبەرایەتی گشتی گەشتوگوزاری لە سلێمانی، لە هەرێم کوردستان، ئمڕوو چوارشەممە، شمارەی گەشتیارەیل راگەیان ک لە جەژن رەمەزان روی لە پارێزگاگە کردن.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: سلێمانی تا رووژ دۊەم لە پشوو جەژن، پیشوازی لە زیاتر لە ٣٠ هەزار گەشتیار کرد ک سەردان شۊنەیل گەشتوگوزاری لە ناوچەیلیگ جیاجیا لە پارێزگاگە کردنە.
وتیش: ٩٠% لەی گەشتیارەیلە خەڵک پارێزگایل ناوڕاس و باشوور عراق بوین، و ١٠% لەلیان لە دەیشت وڵاتەگە هاتنە، وتیش: وەخاسترین شیوە لە دەروازەیل پارێزگاگە پیشوازی لە گەشتیارەیل کریا.
وەڕێەوبەرایەتی گشتی گەشتوگوزاری سلێمانی وتیش: پارێزگاگە ١٠٠ شۊن گەشتوگوزاری لەناوی هەس، و گشتیان وەروی گەشتیارەیل وازن.
