وە لاوردن پەردە لە سەر پەیکەر "خەجە باوە" لە هەولێر.. دەسکریا فیستواڵ ئادار و نەوروز

وە لاوردن پەردە لە سەر پەیکەر "خەجە باوە" لە هەولێر.. دەسکریا فیستواڵ ئادار و نەوروز
2023-03-11T10:30:06+00:00
شەفەق نیوز/ لە شار هەولێر پایتەخت هەرێم کوردستان، ئمڕوو شەممە، دەسکریا فیستواڵ جەژنەیل ئادار و نەوروز وە وازکردن پەیکەر خانمە شەهید خەجە باوە، یەکەمین قوربانی ژنەیل لە راپەڕین ساڵ ١٩٩١ لە هەرێم کوردستان.

 پەیامنێر ئاژانس شەفەق نیوز وت: شار هەولێر وەگەرد دەسکردن وە ئاهەنگ جەژنەیل ئادار و نەوروز، وازکردن پەیکەر دیوار راپەڕین ١١ی ئادار ساڵ ١٩٩١ و پەیکەر خانمە شەهید خەجە باوە وەخوەی دی، ک یەکەمین ژنە لە راپەڕینەگە بوودە قوربانی.

پەیامنێر ئاژانسمان وتیش: فیستواڵ و چالاکی هەمەڕەنگ لە قڵای هەولێر لە ئمڕووەو تا رووژ ٢٠ ئادار وە ئاهەنگ جەژنەیل وەهار ونەوروز هەس.

وەرجەیە، سەرۆک حکومەت ناوخوەیی پارێزگای هەولێر پایتەخت هەرێم کوردستان، دەسکردن وە فیستواڵ ئادار راگەیان، لە رووژ شەممە دەسوەپی کەێد و تا ٢٠ ئی مانگە وەردەوامە.

کارەیل فیستواڵەگە چالاکی و کارەیلیگ هەمەڕەنگ هاناوی، لەلیان لاوردن پەردە لەسەر پەیکەر خەجە باوە خان ئەو ژن ئازا ک لە راپەڕینەگە لە هەولێر بەشداری کرد، و دیواریگ ئەرا شەهیدەیل راپەڕین لە هەولێر، وەگەرد یاکردن تاوان گورز کیمیایی هەڵەبجە.

 

Shafaq Live
Shafaq Live