وەگەرد سەردی و دیرکەفتن مووچەگان.. بازاڕەیل باڵە لە هەولێر گەرمەو بوون

وەگەرد سەردی و دیرکەفتن مووچەگان.. بازاڕەیل باڵە لە هەولێر گەرمەو بوون
2020-11-28T15:34:00+00:00

شەفەق نیوز/  هەنای وەرز سەرد زمسان وەگەرد قەیران دارایی سەختیگ رێککەفن، دڵنگ سەنین  لەلای فرە کەس سەختەو بوود،   و چارەیەک لە پەنابردن وە بازاڕەیل باڵە فرووشتن نەێرن.

وەگەرد زیایبوین داوای دڵنگ وەکارهاوریاگ ک لە ئۆڕوپا هاوریانە، بازاڕەیل لەنگە لە هەولێر گەرمەو بوون، دویای ئەوەگ فرە لە خیزانەگان لەجیای بازاڕە گەوراگان روی وەپیان کەن.

نارین حەمید داڵگ سێ مناڵە ئەرا ئاژانس شەفەق نیوز ئووشێد: لە ساڵەیل گوزەیشتە هەمیشە لە بازاڕە گەوراگان سەنیایمن، بەڵکم ئەمساڵ لەوەر قەیرانە ئابووریەگە رازی مناڵەیلم کردم لەیلا بسینیمن، دویای ئەوەگ ژنەفتیمن ک فرەی دڵنکەگان نوون، و وەڕاسیەو ک ئمڕوو دڵنگەیل خاسیگ کەفتە دەسمان.

حوسامەدین محمد ئووشێد: ئمڕوو دوو جفت کەوش سەنم، یەکیگیان وەرزشیە وە نرخەیل گونجیاگیگ، و ئەرا ئاژانس شەفەق نیوز ئووشێد: لەی وەختە نێەتوێەنبمن دڵنگەیل نوویگ بسینبمن لەوەر رەوشە ئابووریە سەختەگە.

و دوینێد ک نرخەگان گونجیاگن و چشتەگان هەرچەن وەکارهاوریاگن بەڵکم خاسن.

لەلای خوەییش، هۆکەر کارزان خاوەن دوکان دڵنگ وەکارهاوریاگ ئەڵمانیە دیاری کەێد ک ئەوسا ئی دڵنگەیلە وە ئەرزان فرووشتیایمن چوونکە گشتی مارکەن وفرەبان وەکار نەهاوریانە، بەڵکم ئەمساڵ بازاڕگە جوور جارانی نییە ک دیرکەفتن مووچەگان کاریگەری لەبان بازاڕەگە داشت.

و ئەرا ئاژانس شەفەق نیوز دیاری کەێد ک ئیمە ناچار بویمن وەهەر نرخیگ بفرووشیمن تا پویل بکەفێدە دەسمان و بڕەیلیگ تر لە دڵنگ باریمن.

Shafaq Live
Shafaq Live