هەولێر و مۆسکۆ رێککەفن ک پەیوەندیەگانیان لە تەنیا وزە نەوود
شەفەق نیوز/ نێچیرڤان بارزانی سەرۆک هەرێم کوردستان، ئمڕوو سێشەممە، لە دیدار ماکسیم ماکسیمۆف باڵوێز رووسیا لە عراق، دووپاتکرد لە بەرزەوکردن ئاست پەیوەندیەگان و سەردان شاندەگان هەردوگلاگە.
سەرۆکایەتی هەرێم لە بەیاننامەیگ ئمڕوو وت: بارزانی و ماکسیمۆف رێککەفتن ک پەیوەندیەگان هەولێر - مۆسکۆ تەنیا لەبان هاوکاری لە چین وزە نەوود، و فراوانکردن ئی پەیوەندیەیلە وەتایبەت لە چین کشتوکاڵی و پیشەسازی، و هەردوگلاگە گامەیل پیشەیی بووەن ، و نۆینەرەیل لە هەرێم کوردستان لە شاندەیل عراق بەشدار بوون ک سەردان رووسیا کەن.
لە چەوپێکەفتنیگ قونسڵ گشتی رووسیا لە هەوڵیر ئامادەی بوی، باس لە پەیوەندیەگان هەرێم کوردستان و عراق وەگەرد کۆمار رووسیا کریا، وکار کۆمپانیایل وزەی رووسیا لە هەرێم کوردستان، ونووترین گەشەیل رەوشە سیاسی و ئەمنیەگان لە عراق ، و هەڵبژاردن هاتگ عراق، و پەیوەندیەگان هەولێر - بەغداد، و گفتوگۆ ئەرا چارەسەرکەردن گرفتەیلیان، و مەترسیەیل تیرۆر و نواگردن داعش، وهەمیش باوەتەیلیگ تر ک لەلای هەردوگلا گرنگن.
بەیاننامەگە وتیش: هەردوگلاگە جەختکردن ک دەرفەت و زەمینەگە ئەرا فراوانکردن پەیوەندیەگان هەرێم کوردستان وەگەرد رووسیا و ڕەنگاوڕەنگ کردنیان سازیاگە، و لە قۆناغ هاتگ گرنگی زیاتر بیریەێدە ئەوزەڵکردن پەیوەندیەگان لە چینەیل کشتوکاڵی و پیشەسازی، وهەمیش زیایکردن ئاسانگاریەیل گەشتی و گواستنەوە لەناوبەین هەرێم کوردستان و رووسیا، و ئەراوە باس لە کاروانەیلیگ ئاسمانی راستەخۆ کریا لەناوبەین هەولێر و مۆسکۆ
