هەولێر.. دەسگیرکردن یەکیگ لە داواکریاگە دیارەگان
شەفەق نیوز/ وەڕێۆبەرایەتی پۆلیس هەولێر پایتەخت هەرێم کوردستان، ئمڕوو پەنجشەممە، راگەیان دەسگیرکردن یەکیگ لە دیارترین داواکریاگەیل لە هەرێم.
وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: توومەتبارە گریایەگە وەگورەی مادەی ٤٠٤ تەوەر ٣١ و ٣٢٤ و ٤٢١ ومادەی ٤٥٦ لەسای سزایل عراقی داوا کریاگە.
بەیاننامەگە هەمیش وت: وەگەرد دەسگیرکردن توومەتبارەگە بڕ گەورایگ لە چەک وعەتاد و مادە هووشبەرەگان لەلای بوی، وتیش؛ بیجگە ئەوەگ توومەتبارەگە مادە هووشبەرەگان وەکار تەیەرێد خوەییش یەکیگە لە گەورا بازرگانەیل مادە هووشبەرەگان، وهەمیش هاووڵاتیەگان خەڵەتنێد و هەڕەشەیان دەێد.
بەیاننامەگە وتیش؛ توومەتبارەگە گشت توومەتەگانی لەنوای دادوەر ئاشکرا کرد.
بەیاننامەگە هەمیش وت: ئی توومەتبارە مادەی کریستال هووشبەر فرووشت، و ئاماژە کرد لە دەسناین وەبان ١٥٢ گڕام لە کریستال و ٣٥ کڕام تلیاق و ٤٢١ گڕام لە پێکهاتەی جامایکغ وەگەرد ٧٦ شریت خەپ تڕامادۆل لەوەخت دەسگیرکردنەگە لەلای بوی.
