نئچیروان بارزانی ئومید خوازێد هەڵبژاردنەگە دەرفەتیگ تر بەێدە گشت لایەنەیل عراق
شەفەق نیوز/ نێچیروان بارزانی سەرۆک هەرێم کوردستان، نیمەڕو ئمڕوو پەنجشەممە، چەوی کەفتە جينيفر غافيتو خانمە جیگر هاوکار وەزیر دەرەوەی ئەمریکا ئەرا باوەتەیل عراق و ئیران، وشاند یاوەری.
سەرۆکایەتی هەرێم کوردستان لە بەیاننامەیگ وت: لە کۆبونەوەگە باس پەیوەندیەیل هەرێم کوردستان و عراق وەرد ئەمریکا کریا، و لەی باوەتە غافيتو دووپات کرد ک ئەمریکا وە گرنگی نووڕێدە عراق و پەیوەندیەیل ئەمریکا و عراق و هەرێم کوردستان پەیوەندی برادەری و هاوبەشی ستڕاتیژی دریژ ماوەس ک چینەیل فرەیگ گرێدەو.
خانمە وەرپرسە دیبلۆماسی ئەمریکیەگە وتیش؛ ئارامی عراق ئەرا ئارامی ناوچەگە گرنگە، و هەردوگ لایەنەگە رێک کەفتن ک ئی سەردانە ئەرا نشانداین گرنگیدان ئەمریکا وە عراق و هەرێم کوردستان تیەێد و لە وەخت خوەی هات.
غافيتو دووارە دووپات لەنپابەندی ئەمریکا وە وەردەوامی چاکسازی لە وەزارەت باوەتەیل پێشمەرگە و دووارە رێکخستن هئزەیلی کرد، و نشان دا ک ئەمریکا تۊینێد هاوکاری و هاوبەشی هەرێم کوردستان لەو چینەیلە بکەێد جۊر ئاسایش و وەزارەت و ئابووری و کەلتوور و پەروەردە ک هەمیش باس سەردان قڵای هەولێر کرد و نووڕستن وە خاسەوکردن قلاگە، و دووپات کرد ک خوەیان هان بەرهەمهاوردن ئەمریکی لە هەرێم کوردستان دەن، وەتایبەت لە دامەزراو DFC ئەمریکی ک پاڵپشتی دارایی دەێدە پڕۆژەی بەرهەمهاوردن.
لەلای خوەییش، وەگەر پیرۆزبایی غافيتو ئەرا وەرگردن پۆستە نووەگەی، سەرۆک نئچیروان بارزانی دەسخوەشی لە وەردەوامی پاڵپشتیکردن ئەمریکا ئەرا عراق و هەرێم کوردستان کرد، و دووپات لە ئارەزوو هەرێم کوردستان لە قایمکردن پەیوەندیەگەی وەرد ئەمریکا و فراوانکردن چینەیل هاوکاری ناوبەینیان کرد.
هەمیش باس لە دەرفەتەیل فرەیگ ئەرا کارکردن و وەکارخستن سەمایەیلە و بەرهەمهاوردن ئەمریکی لە عراق و هەرێم کوردستان کرد.
هەردوگ لایەنەگە باس باوەت هەڵبژاردن و ئامادەکاریەیلی کردن، و جەخت لە گرنگی ئەنجامدان هەڵبژاردنیگ سەرکەفتگنکردن، و لەی باوەتە بارزانی باس لە ئومید خوەی کرد ک هەڵبژاردنەگە دەرفەتیگ تر بەێدە گشت هێز و لایەنەیل عراقی تا وەیەکەە کار بکەن و دەستوور و سیستەم فیدڕاڵی جیوەجی بکەن.
گفتوگۆکردن ستڕاتیژی عراقینو ئەمریکی، دۊیاترین نووەوبۊیەیل سیاسی و ئەمنی لە عراق، سەختیەیل نوای وڵاتەگە، مەترسیەیل تیرۆر و پەلامارەیل داعش لە عراق و ناوچەگە، ئەرکەیل هاوپەیمان ناودەڵەتی لە عراق، پەیوەندیەیل هەولێر و بەغداد، و باوەتەیلیگ تر باسکردن ئەو کۆبونەوە بۊی ک قونسڵ گشتی ئەمریکا لە هەرێم کوردستان بۊی.
