نێچیروان بارزانی داوا لە حکومەت عراق کەێد گامەیل وەپارێزگاکردن هەڵەبجە تەواو بکەێد
شەفەق نیوز/ سەرۆک هەرێم کوردستان نێچیرڤان بارزانی، ئمڕوو چوارشەممە، داوا لە حکومەت فدراڵی کرد گامەیل ئەرا وە پارێزگا کردن هەڵەبجە تەواو بکەێد.
لە بەیاننامیگ ک دەرچگە وە بوونەی یاد کیمیاواران هەڵەبجە وەدەس رژیم سەدام حسێن، سەرۆک نێچیرڤان بارزانی وت، ئمڕوو شانزەی ئازار، وە ئەوپەڕی شكۆ ياد زياتر له پەنج هه‌زار شه‌هيد هه‌ڵه‌بجه کەیمنەو و سه‌ر ڕێز لەوەردەم گيان پاكيان چەمنینەو.
وەرجە 34 ساڵ له يه‌كیگ له سامناكترين تاوانه‌یل مێژوو، بۊنە قوربانيى ده‌س ڕژێم ئه‌وساى عراق ک وه چه‌ك قەیەغەکریای كيميايى، دڕندانه كۆمه‌ڵكوش کریان، هه‌زاران تریش زەخمدار و دەروەدەر بۊن ک هه‌ر یەکیگیان چيرۆک و وەسەرهات دڵته‌زن دیرێد.
وتیش، كاره‌سات كيمياوارانکردن هه‌ڵه‌بجه، تا هەمیشە سيمبول سته‌ملێكریای ميلله‌تیگ قوربانييه، ک ته‌نيا تاوانی ئەوەس لەبان خاك ڕه‌سه‌ن خوەی و لەژیر ئاسمان خوەیە، داواى ژيانیگ و ئازاد و دادپه‌روه‌ر کەێد. ميلله‌تیگ ک دەوریگ گه‌وره له مێژوو و شارستانی ناوچه‌گه دیە و هه‌ميشه ده‌س دووسی و مرۆڤپه‌روه‌رى و ئاشتى و وەگەریەک ژیان و لێبورده‌يى ئەرا گشتی درۊژ کردیە.
دووپاتکرد، کیمیاواران هه‌ڵه‌بجه، تەقەلایگتر بی وەلیفەت و بی ئەنجام و تاوانكارەیل مێژوو بۊ، تا ئيراده‌ى پۆڵايين میللەت كوردستان ئەرا ئازادى و سه‌رفرازى لەناوبیەن، باوجی جۊر هه‌ميشه وه خوەڕاگری مەنن و ئيراده‌ى ژيان و هەڵسیان و وەردەوامی میللەت كوردستان، شكست وه خه‌ياڵ ئه‌وان هاورد و ئەرا ژيان و ئازادى و سه‌رفرازى کوشش کردیە.
نێچیروان بارزانی هەمیش داوا لە ده‌وڵه‌ت عراق کرد، جۊر ئەرک و پابه‌نديى ياساييى خوەی، خێزان و كه‌سوكار شه‌هيدەیل، ئه‌و قوربانييەیلە هیمان زینگن و ژينگه‌ى هه‌ڵه‌بجه قه‌ره‌بوو بکەێد و دی پشتگوشی نەخەێد، گشت گامەیلی وه‌پارێزگابۊنی ته‌واو بکەێد، تا وەو شیوە کەمیگیش بوود له خه‌مەیلیان كه‌م بکریەێد. و داوا کەێمن كۆمه‌ڵگه‌ى ناوده‌وڵه‌تى و جەهانى پێشکەفتگ، له تەقەلای وەردەوام بوون ئەرا ئەوەگ ری وە كاره‌سات هه‌ڵه‌بجه له هۊچ شۊنیگتر رۊی زەۊ دوارە نەوود و چه‌ك كۆمه‌ڵكوشی و بەرهەمهاوردنی، يه‌كجارى و وه ته‌واوى قەیەغە بكریەێد و وه گشت شیوەیگ ری له وەکارهاوەرەیلی بگریەێد.
نێچیروان بارزانی کۆتایی وە بەیاننامەگەی هاورد وە، دووپات کەێمن : خاسترین ياد و وه‌فادارى و ڕێز ئەرا گيان شه‌هيدەیل هه‌ڵه‌بجه و ته‌واو كوردستان، ئەوەس گشت هێز و لايه‌ن و پێكهاته‌یل كوردستان يه‌كڕز و ته‌با بوون و وەگەرد یەک كار بكه‌ن تا ته‌واو مافه ده‌ستوورييه‌یل مللەت كوردستان وەدەس باریمن و فيدرالى ومقەیەتی قه‌واره‌ى ده‌ستووريى هه‌رێم كوردستان بکەیمن، گش لایگیش وانه له په‌نده مێژووییەیل بدۊنن و ئەرا ئیسە و بانان خاسترە، بکەنەی رینشاندەر.
