ئەمریکا وە هاوکارەیلیگ پزشکی پاڵپشتی هەولێر کەێد

ئەمریکا وە هاوکارەیلیگ پزشکی پاڵپشتی هەولێر کەێد
2020-12-01T10:38:11+00:00

شەفەق نیوز/ کۆمپانیای  «شیفڕون» ئەمریکی هاوکاریەیلیگ پزشکی داگە هەولێر پایتەخت هەرێم کوردستان، ئەرا پڕەوکردن ئەو کەمەوبوینە ک لە سای بڵاوبوین ڤایڕۆس کۆڕۆنا لە خەسەخانەگان بوی.

هێمن قادر جینشین پارێزگار هەولێر لە کونگرەیگ رۆژنامەوانی و ئاژانس شەفەق نیوز ئامادەی بوی وت: هاوکاریەگان ٤٠٠ شەوخەف پزشکیین، و ئەوەسا دابەشیان کەێمنە خەسەخانەیل ناوەند شارەگە و قەزاگانی لە ری وەڕێۆبەرایەتی تەندروسی هەولێر.

و دووپاتکرد ک ئیمە فرە پێویستمان وەی هاوکاریەیلە هەس چوونکە هایمنە رەوش سەختیگ وەگەرد بڵاوبوین پەتای کۆڕونا.

لەلای خوەییش دکتۆر دلۆڤان جەلال لە کۆنگرەگە وت: حکومەت هەرێم بوودجەیگ ئەرا خەسەخانەگان تەرخان کەێد، وەلی وەگەرد پەتای کۆڕونا ئیمە هەمیشە هاوکاری خوازیمن.

وباس لە سوپاسی ئەرا کۆمپانیاگە ئەرا ئی کارە کرد، و وتیش: ئەوەسا ئی شەوخەفەیلە دابەش کەێمنە بان خەسەخانەگان و ناوەندە تەندروسیەگان ک پێویستییان وەپیان هەس.

Shafaq Live
Shafaq Live