لە دوو ئۆپراسیۆن ئاسایش...دەسناین وەبان 149کگم کریستاڵ لە سلێمانی
شەفەق نیوز/ ئاسایش سلێمانی، ئمڕوو پەنجشەممە، راگەیان دەسنانە وەبان 149 کیلۆگرام لە مادەیل هوشبەر لە دوو ئۆپراسیۆن جیا ک وەریەوبەرایەتی ئاسایش پارێزگاگە جیوەجی کردیە.
وەریەوبەرایەتیەگە لەبەیاننامیگ رەسیە ئاژانس شەفەق نیوز وت: " هێزەیل ئاسایش سلێمانی لەبان زانیاری و راسپاردەیل دەزگای ئاسایش هەرێم کوردستان لە چوارچمگ هەڵمەت دەسگیرکردن بازرگانەیل مادەی هوشبەر و ریگری کردن لە بڵاوبوین هەر جویرە لە هوشبەر ک زەرەد وە ئابووری و کاریگەری نەرێنی وەبان کۆمەلگا دروسکەێد، هێزەیل ئاسایش لە دویای لێکۆلینەوەی گشتییگ و گردەوکردن زانیاری هویرد دەسنا وەبان 92 کگم لە کریستال لە 14 حوزەیران گوزەشتە".
وتیش" لە ئۆپراسیۆن دویەم هێزەیل ئاسایش دەسنانە وەبان یەک کیلوگرام لە مادەی کریستاڵ لە ناو شوین زەێت ماشین شاریاسەو لە بڕوار 25 تەمووز".
دیاریکرد، "تاوانبارەیل ئەرا دادوەر کلکریان وەپای مادەی 25 لە یاسای سزادان عراقی دەسگیرکریانە".
