کەشناسی کوردستان...واران و داوەزین گەپیگ لە پلەی گەرما

کەشناسی کوردستان...واران و داوەزین گەپیگ لە پلەی گەرما
2022-11-24T08:23:18+00:00

شەفەق نیوز/ دەسەی کەشناسی هەرێم کوردستان ئمڕوو پەنجشەممە،  مەزەنە کرد پلەی گەرما لە پارێزگایەیل هەرێم لەماوەی 48 ساعەت ئایندە وەشیوەی فرەیگ داوەزێد.

دەسەگە لە بەیاننامەیگ رەسیە ئاژانس شەفەق نیوز وت" پیشبینی کریەێد پلەی گەرما 5-7 پلە داوەزێد لەماوەی 48 ساعەت ئایندە"، ئاشکەرای پلەی گەرمای 48 ساعەت ئایندە کرد ک لە هەولێر 17، سلێمانی 16،  دهۆک 16 ، هەلەبجە 17، سۆران 15، گەرمیان 20، زاخۆ 17 پلەی سەدیە".

لەلاییگتر، کەشناس عەلی جابر زیادی وە ئاژانس شەفەق نیوز وت، پیشبینیەل دیاری کەن  لە ئمڕوو پەنجشەممەوە لە وڵاتەگەمان دەسکەێدە واران وارین وەردەوام بوود ولە شەو و نیمەڕو سوو جومعە رەسێدە لویتکە.

زیادی ئاشکەرایکرد وارانەگە مامناوەندە و لە بڕیگ ناوچەی هەرێم کوردستان و بەشیگ لەناوچەیل خورهەڵات رفتە، و بەغدای پایتەخت کەفێدە ژیر وارانوارین مامناوەندیگ تا رفتیگ لە بەشەیل خوەرئاوای.

زیادی پیشبینی کەێد شارەیل باشوور کەمترین کاریگەری هابانیان واران لە بڕیگ ناوچە وارێد، و شارەیل فورات ناوراس وارانیگ مامناوەند وارێد لەبڕیک ناوچەیلی.

Shafaq Live
Shafaq Live