کەشناسی هەرێم کوردستان کەشوهەوای ٤٨ ساعەت ئایندە راگەیان

شەفەق نیوز / کەشناسی هەرێم کوردستان، ئمڕوو پەنجشەممە، پیشبینیەیل کەشوهەوای  48 ساعەت ئایندە راگەیان.

کەشناسی هەرێم لە بەیاننامیگ رەسی ئاژانس شەفەق نیوز راگەیان، ئمڕوو پەنجشەممە ئاسمان نیمچە ئەورە وکاریگەری شەپوول واران وارین روی لە ناوچەگەمان کردیە لە بەشیگ لە سنوور پارێزگای  سلێمانی و پارێزگای هەڵەبجە وە کەمی مینێد، پرزە واران لە بەشیگ لەناوچەیل سنوور ئەو دوو پارێزگایە وارێد وەگەرد بەشیگ لەناوچە کویەیلەی سنوور پارێزگای هەولێر و دهۆک ئەگەر کەمیگ پرزە واران هەس، ئیوارە کۆتایی وە کاریگەری ئی شەپوولە تێد ئاسمان گشت ناوچەیلە ئاڵشت بوود ئەرا نیمچە ئەور و لەکە ئەور، پلەی گەرما نزیکە لە توومارەیل دویکە.

بەرزترین پلەی گەرمای پیشبینی کریاگ وە سیلیزی :

هەولێر     :  18 پلەى سیلیزى

سلێمانی    : 14 پلەى سیلیزى

دهۆک     :  14 پلەى سیلیزى

کەرکوک  : 20 پلەى سیلیزى

هەڵەبجە   :  15 پلەى سیلیزى

زاخۆ      :  16 پلەى سیلیزى

سۆران    :  13 پلەى سیلیزى

گەرمیان  :  20 پلەى سیلیزى.