کەشناسی هەرێم..پلەی گەرمی بەرزەوبوود
2023-05-16T08:51:33+00:00
شەفەق نیوز/ وەڕێەوبەرایەتی کەشناسی هەرێم، ئمڕوو سێشەممە، کەشوهەوای 48 ساعەت ئایندە راگەیان و مەزەنە کەێد پلەی گەرمی بەرزەوبوود.
وەڕێەوبەرایەتی کەشناسیی و زەویلەرزەزنی هەرێم راگەیان، " ئمڕوو سێشەممە ئاسمان ساماڵە وەگەرد بڕیگ لەکەئەور و پلەی گەرمی بەرزەوبوود وە بەراورد وە توومارەیل دویکە".
دیاریکرد" سوو چوارشەممە ئاسمان ساماڵ و لەکەئەورە لەناوجەیل کویەیلە ئاڵشتبوود ئەرا نیمەئەور و پلەی گەرمی بەرزەوبوین زیاتریگ وە خوەی دوینێد".
