کەشناسی هەرێم...شەپوولیگ وارانوارین سەرانسەر ناوچەیل هەرێم گرێدەو
شەفەق نیوز/ دەسەی کەشناسی هەرێم کوردستان، ئمڕوو سێشەممە، راگەیان پیشبینی وارانوارین کریەێد لە گشت ناوچەیل هەرێم کوردستان.
دەسەگە لەبەیانامەیگ ئمڕوو راگەیان، ئیوارەی رووژ پەنجشەممە ئاسمان هەرێم ئاڵشتبوود ئەرا ئەور تەواویگ لەدویای هاتن کاریگەری درویژەوبوین هەردگ نزمە پاڵەپەستۆی دەریای ناوڕاس و دەریای سوور، وتیش؛ سەرەتا پرزە واران کەمیگ وارێد لە شەوەکی شەفەق رووژ جومعە کاریگەریەگەی زیایەبوود تەواو ناوچەگە کەفێدە ژیر کاریگەری شەپوول وارانوارین، و واران مامناوەن و رفت وارێد وەگەرد دروسبوین گڕمەهڕ و وەفروارین لەبان لویتکەی کویە بەرزەیل سنووری.
کەشناسی ئاشکەرایکرد، لە رووژ شەممەش شەپوول واران وارینەگە وردەوامە نزمە پاڵە پەستۆی دەریای ناوڕاس کاریگەری فرەترەوبوود واران مامناوەنیگ و واران رفتیگ لە ناوچە جیاوازەیل هەرم وارێد و پلەیل گەرماوە نزیکەی 5_7 پلە داوەزین وەخوەی دوینێد رووژ یەکشەممە کاریگەری شەپوولەگە کۆتایی وەپی تێد.
