سلێمانى دانيشتيگ ساز ئه‌كاو په‌شيمان نييه له دوباره چه‌سپانن قه‌يه‌غه‌ى هاتوچوو
2020-05-17T10:39:08+00:00
شه‌فه‌ق نيوز/ هه‌فاڵ ئه‌بو به‌كر پاريزگار سلێمانى، ئاشكراى سازكردن دانيشتنيگ ئه‌را ليژنه‌ى له‌ناوبردن ڤايرۆس كۆرۆنا كرد، وه‌تايبه‌ت دوياى به‌رزه‌وبوين شماره‌ى حاڵه‌ته‌يل تويشبوين وه ڤايرۆسه‌گه.
ئه‌بوبه‌كر ئه‌را ئاژانس شه‌فه‌ق نيوز وت: دوياى تۆماركردن حاڵه‌ته‌يل تازه، ليژنه‌ى باڵا له سلێمانى دانيشتنيگ ساز ئه‌كا وه‌ل لايه‌نه‌يل په‌يوه‌نديدار و ئه‌گه‌ر بارودوخه‌گه هه‌وه‌جه وه چه‌سپانن قه‌يه‌غه‌ى هاتوچوو بكا ئه‌وه له‌لى په‌شيمان نييم.
پاريزگار سلێمانى هه‌ميش وت: وه‌رجه چه‌ن رووژيگ بڕيار دايم ريگرى له سه‌ردان شوونه‌يليگ بكريه‌ێد له رووژه‌يل جه‌ژن، له‌وانه‌يش زيندانه‌يل و نه‌خوه‌شخانه‌يل و قه‌ورساننه‌يل.
