سلێمانی.. ناڕەزایی لەبان دەسگیرکردن رانندەیل تەکسی

 سلێمانی.. ناڕەزایی لەبان دەسگیرکردن رانندەیل تەکسی
2022-06-05T11:28:49+00:00

شەفەق نیوز/ بڕیگ لە چالاکوانەیل مەدەنی و ریخریایەیل کۆمەڵگای شارستانی لە سلێمانی، ئمڕوو یەکشەممە، وسیانیگ ناڕەزایی لەوەردەم بینای پارێزگای سلێمانی ڕێک خستن، وەداوای مەرەقەزکردن رانندەیل تەکسی ک لە رووژ سێشەممەی گوزەشتە دەسگیریان کریا، وهەمیش چەن داواکارییگ خستنە وەردەس دەسەڵاتەیل.  

عوسمان زاندانی قسەکەر وەناو ناڕەزایلە لە کۆنگرەیگ رووژنامەوانی ئاژانس شەفەق نیوز ئامادەی بوی وت: ئمڕوو ئی وسیانە ڕێک خستیمن لەوەر هەسی شیوەیگ بەڕنامەدار ئەرا تەنگەوکردن ئازادی،  و خاسترین بەڵگە لەبان ئی قسە خوەی قەیەغەکردن کۆنگرەیگ رووژنامەوانی وەبوونەی ساڵیاد تاوان ئەنفال لە پارک ئازادی، وهەمیش تەنگەوکردن و دەسگیرکردن بەشیگ لە رانندەیل تەکسی لەناو چالاکییان وەداوای ئەرزانکردن نرخ سوتەمەنی، وەگودد تەنگەوکردن کراکارەیل لە داوای مافیان.   

عوسمان وت: ئەو هەمکەی تەنگەوکردنە خوەی پێشێلکردن یاسا و دەستوورە ووەچەواشەی ماف مرۆڤە، و دەسدرۊژی ئاشکرایگە لەبان ئازادی.    

ناڕەزایلە لەو وسیان ناڕەزاییە ک پەیامنێر ئاژانس شەفەق ئامادەی بوی بڕیگ داواکاری داشتن جویر: مەرەقەزکردن دەسگیرکریایل لە رانندەیل تەکسی، و قەیەغەی دەسوەردان هویچ هیزیگ ئەمنی یا مەدەنی لە چالاکیەیل شارستانی بیجگە (پۆلیس چالاکیەیل شارستانی) و هەمیش قەیەغەکردن سیمایل تەنگەوکردن لەبان ئازادی باسکردن ئازادی خوەینشاندان و داواکردن مافەیل. 

ناڕەزایلە لە وسیانەگەیان پشتگیری داواکاریەیل رانندەیل تەکسی وە ئەرزانکردن نرخ یەل لیتر بەنزین ئەرا ٥٠٠ دینار کردن، وتەرخانکردن ٦ بەنزینخانەی حکومەتی ئەرایان، وهەمیش هاودەنگ بوین وەگەرد رانندەیل تەکسی لە هەولێر و دهۆک ک لەی دوو رووژە وەداوای کەمکردن نرخەیل ناڕەزایی کردن.   

لەلای خوەییش،  ئازاد محمد سەرۆک ئەنجومەن پارێزگای سلێمانی، ئمڕوو یەکشەممە، دووپات کرد ک باوەت رانندەیل تەکسی هالە لێکۆڵینەوە،  وئەوەسا دویای تەوابوین لێکۆڵینەوە مەرەقەز کریەن.

Shafaq Live
Shafaq Live