سلێمانی.. مانگگردن لە وەردەم نویسینگەی پەرلەمان کوردستان لەوەر پڕۆژەیگ دیرکەفتگ لە کەلار

سلێمانی.. مانگگردن لە وەردەم نویسینگەی پەرلەمان کوردستان لەوەر پڕۆژەیگ دیرکەفتگ لە کەلار
2022-09-15T11:01:29+00:00

شەفەق نیوز/ شمارەیگ لە هاووڵاتییەیل قەزای کەلار لە ئیدارەی گەرمیان، ئمڕوو پەنجشەممە، لەوەردەم بینای نویسینگەی پەرلەمان کوردستان لە سلێمانی مانگ گردن، لە ناڕەزایی لەبان دیرکەفتن ئەنجام پڕۆژەیل ریوبان لە کەلار.

 ئەحمەد کەلاری یەکیگ لە مانگگرەیلە ئەرا پەیامنێر ئاژانس شەفەق نيوز وت: ئامانجممان لەوی وسیان ناڕەزاییە و هەڵداین چادر لە وەردەم نویسینگەی پەرلەمان هەرێم کوردستان ئەرا زوورکردن لەبان ئەندامەیل پەرلەمانە تا وەرپرسایەتی خوەیان وەجی بارن و بکەفنە شوین جیوەجیکردن پڕۆژەی ری کەلار – سلێمانی ک لە ساڵ ٢٠١٢ دەسوەپی کریاگە و لەوەر هووکارەیلیگ جیاجیا وسیا.

ئەحمەد وتیش: فرە لە خەڵک ئیدارەی گەرمیان بوینە قوربانی ئی ریە، وەبی ئەوەگ دەسەڵاتەیل پەیوەندیدار و نوینەرەیل پارێزگای سلێمانیش هویچیگ بکەن بیجگە قسە ئەرا میدیایل راگەیانن.

ناڕەزایل باس وەردەوامییان لە مانگگردن کردن تا کار پڕۆژەگە وەشیوەیگ گونجیاگ تەواو بوود، دویای دابینکردن پویلەگەی.

دویەکەیش،  دەیان لە چالاکوانەیل قەزای دەربەندیخان ناڕەزایی لەبان دیرکەفتن ئەنجام ریە کردن، لە وەختیگ جیگر سەرۆک ئەنجومەن پارێزگای سلێمانی بەرزان شێخ محمد لە کۆنگرەیگ رووژنامەوانی ئاژانس شەفەق نیوز ئامادەی بوی وت: ئی پڕۆژە ک لە ساڵ ٢٠١٢ دەسوەپی کریاگە، وچەن جاریگ لەوەر قەیران دارایی لەدویای ناکۆکیەیل وەگەرد بەغداد و بڕین بەش هەرێم کوردستان و داوەزین نرخ نەفت لە بازاڕەیل جەهان لەوەر پەتای کۆڕۆنا و ئەوە گشتی لیوا نییە ک حکومەت لەبانی وەرپرس نییە، باوجی بایەتە چارەیگ گونجیاگ وزوییگ پەیا بکەێد.

Shafaq Live
Shafaq Live