سلێمانی رویەگان ئاشکراکەێد لە بڕین پویل وەرانوەر وەخاکسپاردن مردگەیل
2020-09-05T10:55:36+00:00
شەفەق نیوز/ شارەوانی سلێمانی لە هەریم کوردستان ، ئمڕوو شەممە، رونکردنیگ لە باوەت بردن پویل وەرانوەر وەخاکسپاردن مردگەیل ئاشکراکرد، دویای ژاوەژاویگ لەی باوەتە لەناو خەڵکەگە بویەو.
زەرەدەشت رەفیق قسەکەر وەناو سەرۆکایەتی شارەوانی سلێمانی لە کۆنگرەیگ رۆژنامەوانی هاوبەش وەگەرد کۆمپانیای دوزی ک پڕۆژەی گەوراترین قەورسان لە سلێمانی وەرگردگە، وئاژانس شەفەق نیوز ئامادەی بوی وت: وەرگردن پویل وەرانوەر وەخاکسپاردن مردگەیل لە قەورسان سلیمانی رەتکەیمن.
وتیش؛ گشت ئەو خەوەر وقسەیلە ک لەماوەی گوزەیشتە بڵاوکریانە لە وەرگردن پویل وەرانوەر وەخاکسپاردن لە قەورسانەگە راس نیین.
وتیش؛ ئەو پویلە ک تەرخان کریاگە ئەرا وەخاکسپاردن خوەی تەنیا ١١٠ هەزار دینارە وەرانوەر خزمەتگوزاری قەورسانەگە لە پاکەوکردن وگەراج ماسین و باخچە رازانن گرێدەو.
