سەرۆک هەرێم کوردستان پەیامیگ ئاڕاستەی عراقیەیلە کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، لەناو یەکیگ لە بنکەیل هەولێر دەنگ خوەی دا.
بارزانی دۊیای دەنگدانی ئەرا رووژنامەوانەیلە وت:.ئومیدە خوازم ئیمە جۊر لایەینیل کورد بۊیمنە یەک هێز، و ئی هەڵبژاردنە وە خەیر و بەرەکەت باێدە بان گشت عراق، و گشت ئەوانەگ ماف دەنگدان دیرن رۊی وەرەو سەندوقەیل بکەن و دەنگ خوەیان بیەن.
وتیش: ئومید خوازیمن ک هەڵبژاردنیگ سەرکەفتگ وەگشت شیوەیگ بوود، و پەرلەمان هاتگ کار ئەرا چارەسەری گرفتەیل بەغداد و هەولێر بکەێد، و حکومەتییگ لەلی دەرچوود کار ئەرا خاسەوکردن رەوش خەڵکەگە بکەێد و دەرفەت کار ئەرا گەنجەیلە پەیا بکەێد و کۆتایی وە زیان گشت عراقیەیلە بارێد.
وتیش: پەیامم ئەرا گشت گەل عراقی خوەی پەیام ئاشتی و برادەریە، و گشتمان وەراسی کار ئەرا سەرکەفتن عراق بکەیمن چۊنکە گشتمان هایمنە ناو یەک بەلەم، و ئمڕوو رووژ دەنگدانە و هەڵمەتەیل هەڵبژاردن تەواو بۊین، و یەکەم گام دۊیای هەڵبژاردن ک ئەوەسا داوا لە گشت لایەنەیلە کەیمن تا لە سەرۆکایەتی هەرێم گردەو بوون ئەرا باسکردن لە گام هاتگ.
وتیش: باوەڕ دیرم ک هەر حکومەتیگ باێد بایەتە جەخت بخەێدە بان پێشکەشکردن خزمەتگوزاری چۊنکە گەلەگە شەکەت بۊی، و ئومید خوازم جەخت لەبان خزمەتگوزاری بکریەێد تا دووارە بڕوای گەلەگە وەپی بارێدەو، و خوەی گەورەترین سەختیە لەڕۊی حکومەت هاتگ
وتیش: حکومەت هەرێم کار دووپات لە چارەسەرکردن گرفتەیل وە گفتوگۆ کەێد، چۊنکە ماف و ئەرک دیریمن، و هەمیش ئارامی سیاسی لە عراق لەلای ئیمە گرنگە، چۊنکە وە چارەسەرکردن گرفتەیلە گشت وڵاتەگە سوودمەن بوود، و هەمیش وازکردن بارەگایل پارت دیموکرات کوردستان لە ناوچە دابڕیایلە گام خاسیگ بۊی، باوجی یەیشە گرنگ نییە بەڵکم جیوەجیکردن مادەی ١٤٠ لەو ناوچەیلە گرنگە.
