زەخمداری ژن و شوییگ وە پەلاماریگ چەکدار لە هەولێر
2022-11-05T13:57:43+00:00
شەفەق نیوز/ سەرچەوەیگ ناوخوەیی، ئمڕوو شەممە، خەوەردا لە زەخمداری ژن و شوییگ وە رویداویگ تەقەکردن لە شار هەولێر.
سەرچەوەگە ئەرا ئاژانس شەفەق نیوز وت: رویداوەگە لە ساعەت دوو نیمەڕوو لەبان جادەی سەدی سەرەکی بویە، هەنای رانندەی ماشینیگ هەفت فیشەک وەرەو ماشینیگتر وەشانیە، ک ژن و پیاویگ لەناوی بوینە.
وتیش: رویداوەگە بویە هووکار زەخمداری هەردوگ سوارەیل ماشینەگە ک ژن وشوی بوین، و دویای ئەوە ئەرا خەسەخانە بریان، وتیش: هیزەیل ئەمنی هانە شوین رویداوەگە ئەرا رەسین وە بندروسی.
