دهۆک پارچەیگ ئاسەواری پەیا کەێد ک ئاین کورد وەرجە ئیسلام نشان دەێد

دهۆک پارچەیگ ئاسەواری پەیا کەێد ک ئاین کورد وەرجە ئیسلام نشان دەێد
2020-12-21T10:04:07+00:00

شەفەق نیوز/ فەرمانگەی ئاسەواری لە پارێزگای دهۆک، دووشەممە، راگەیان پەیاکردن پارچەی ئاسەواری بینەزیریگ لە ناوچەیگ سەروە ناحیەی سمیل لە خوەرئاوای دهۆک.

دکتۆر حەسەن قاسم وەڕێۆبەر ئاسەواری دهۆک لە کۆنگرەیگ رۆژنامەوانی لە بینای فەرمانگەگە پارچە ئاسەواریەگە نیشان رووژنامەنووسەگان دا.

وتیش؛ ئاسەوارە پەیاکریایەگە  پارچەی کوچکینیگە نەقشەی کریاکە، و چوودەو ئەرا ئایەن زەرادەشتیەگان وەرجە ئیسلام، وتیش؛ پێشبینە ک نەقشەی کوچکەگە هی کاهنیگ یا شاهیگ زەرادەشتی بوود، و ئەیە بەڵگەس لەبان ئاین ئی ناوچە وەرجە ئیسلام.

وەڕێۆبەر ئاسەواری دهۆک راگەیان پارچە ئاسەواریەگە ک لە ئاوای کرمافا لە نزیک کویەی چەرمگ لە قەزای سمیل پەیا کریاگە بەرزیەگەی ١٠٩ سانتیمەترە و پانیەگەی ٥٤ سانتیمەترە، و ئاماژە کرد ک مەینەکردنەگە وە هاوکاری لەناوبەین زانکۆی توبکن ئەڵمانی و فەرمانگەی ئاسەواری دهۆک پەیا کریاگە، ک جیماگەیل ئاسەواری ئاین زەرادەشتی لە ناوچەی دهۆک لە ساڵ ٢٠٠٥ پەیا کریاکە، بەڵکم پارچە کوچکینیگە ک ئمڕوو پەیا کریا خوەی پەیاکردنە بینەزیرەگەس لە ناوچەگە.

Shafaq Live
Shafaq Live