دەنگ نوێنەرەی مەهابادیش دەرهاتە دەر
شەفەق نیوز- سازمان دەنگ و رەنگ ئێران، دەنگ نمایەندەگەێ شار کوردنشین مەهاباد، دە پارلمانیش دەرهاوردە دەر.
جەڵاڵ مەحموودزادە، دە نامە‌یێگ ک گوووشەجەڕەداین پارلمان وە سدا و سیماسە وانگ ئەڵهاوردگە ک چەنێ پێش یەکێ لە هونەرپیشەیل ژن دە کلیپێ قەشمەری وە لوڕەیل کردگە و ئێسەیش ده شەواچەێ دۆ تلیفزیان ئێران دبینیمن ک خەلەبانێ، وە دروو وتگە دە زەمان جەنگ ئێران و عراق، کوردەیل، سەر هەر کیلوو گووشت خەلەبانەیل هلیکوپترەیل کوبرای ئێڕانی، پانسەد ملیوون تمەن ک ئێسەیش، دۆمای سی ساڵ ک لە جەنگ دچو، هەمجا و پوول یەمە ئێرانیش یە‌ک و نیم جار، گرانترە لە خوێن پیاگی وە ئازا، پوول دانە و یە درووەگەسە و ئەر ئی خەلەبانە نەدزانێ بیلا بزانێ ک یەکم خەلەبان شەهید ئێرانێ، خالد حەیدەری، ک بەعسیەیلە دە شار کووت عراق، کوشتنەێ، خوەێ کورد بییە و سزاوار نییە ک ئیجوورە گە‌ن و نابییە وتنەیلێ، دە پشت‌سەرای کوردەیل و ئێرانییەیلێ تر، ئەوەیش دە سدا و سیما ک وە پوول ئێڕانییەیل دگەردێ، بویشرێ‌وە.
ئی قسە ک وەگەرد واکونشەیل ئەڵاجەوی موجرییەگەێ تلیفزیان ئێران، تێکەڵەو بییە جوورێ فەزاسازی کردگە ک بینەرەیل بەرنامەگە لەێ‌وا خیاڵ بکەن ک ئەومە ئەر هەر کوردێگ خەلەبان ئێرانیێ دییە دە جی پێشتەوانی کردن یا حەتتا وە دیلی گرتنێ، هەنجە هەنجەێ کردگە و هەر کنجگێگێ وە کیشە فرووشاگە وە بەعسییەیلە.
