دەسکردن وە نرخ نوویگ ئەرا بەنزین لە هەرێم کوردستان
شەفەق نیوز/ بەنزینخانەیل سلێمانی، ئمڕوو چوارشەممە، راگەیانن ئەوەسا نرخ بەنزین بایی ٥٠ تا ٧٥ دینار ئەرا هەر چینیگ داوەزێد.
بەهمەن قادر یەکیگ لە خاوەن بەنزینخانەیل تایبەت لە سلێمانی ئەرا ئاژانس شەفەق نیوز وت: نرخ بەنزین ئەوەسا هەرلە رووژ پەنجشەممە ٢٥ ئاب وەرەولا جاریگتر داوەزێد.
وتیش: داوەزین نرخ نەفت جەهانی و تەکان بڕەیلیگ لە بەنزین پاڵپشتیکریاگ لەلایەن حکومەت هەرێم هوکار بوی لە داوەزین نرخ بەنزین لە بازاڕەیل.
وتیش: لە شەوەکی سووەو ئەوەسا نرخ بەنزین ئەرا هەرسێ چینەگەی وەیجویرە بوود: عادی ١٠٧٥ لەجیای ١١٥٠ دینار، موحەسەن ١٢٥٠ لەجیای ١٣١٥ دینار، سوپەر ١٣٧٥ لەجیای ١٤٥٠ دینار، واتە وە ٥٠ تا ٧٥ دینار کەمترە.
لەوەختیگ کەریم عەلی ئەندام ئەنجومەن پارێزگای سلێمانی ئەرا ئاژانس شەفەق نیوز وت: نرخ سوتەمەنی بازرگانی پەیوەندی وە بڕیار بازرگانەیل دیرێد، و حکومەت هویچ دەسیگ لە بەرزەوبوین و داوەزین نرخ سوتەمەنی لە بازاڕەیل هەرێم کوردستان نەیرێد.
وتیش: لە ماوەی گوزەشتە ودویای تەکان بەنزین پاڵپشتیکریاگ لەلایەن حکومەت ک کوالێتی بەد بوی، هیشت نرخ بەنزین لەو ماوە گرانەو بوود.
