تیمەیل پاکەوکردن وەفر هانە وازکردن ری دهۆک و کۊیەی هەورامان
شەفەق نیوز/ تیمەیل پاکەوکردن وەفر لە پارێزگای دهۆک رەسینە وازکردن ری ناوچەیل باکوور پارێزگایەیل. قسەکەر وەڕێەوبەرایەتی ری و پێەڵەیلە لە دهۆک کەمال محەمەد وە ئاژانس شەفەق نیوز وت: " تیمەیل لاوردن وەفر دەسکردنە وازکردن ری ناوچەیل (كانی ماسی) لە قەزای عەمادییە و ناوچەیل ( بانک ئارزا، زاوێتە، مانکیش و ناوچەیل ئەتروش) وەگەرد تیم تایبەت خزمەتگوزاری مەوقەیگ ریژەی وەفر لە بریگ ناوچەیل کانی ماسی رەسییە 40 سم".
محەمەد دووپاتکرد " تیمەیل تایبەت وە لاوردن وەفر وە ئامێر پەیوەنیدار وە کارەگە لە بڕیگ ناوچەیل قەزای عەمادیە وە ئامانج وازکردن ری وەفر ماوەی دو رووژە داپوشیە".
لە ناوچەی هەورامانیش، دۊیای داوەزین فرەیگ پلەیل گەرمی وهاتن زمسان، وەفر وەبان کۊیەیل و فرەیگ ناوچەیل هەورامان لە پارێزگای هەلەبجە واریە.
پەیامنێر ئاژانس شەفەق نیوز وت: کۊیە و ناوچەیل هەورامان وە وەفر رازیاسەو، بەرزی وەفر لە بڕیگ ناوچە رەسیە 5سم، ناوچەیل هەورامان ئاڵشتبۊیە ئەرا پارچە وەفریگ لە جادەیل و لەبان دار و ماڵەیل.
لەی وەختە لەناوچەیل فرەیگ لە پارێزگای سلێمانی، وەتایبەت بەرزاییە کۊیەیلە ک بۊیەسە پەناگایگ ئارام ئەرا هاتن گەشتیارەیل ئەرا ئەو دیمەن رەنگینەیل وەفرە.
وەڕێەوەبەرایەتی گشتی چەودێریی ئاسمانی و زەۊلەرزە لە پارێزگای کوردستان راگەیان، لە فرەیگ ناوچە کۊیەیلە و ناوەندەیل شار و ناحیەیل شەپۆل وەفر وارین رۊی دایە.
