بڵاوکردن هێزەیل ئەمنی لەلیو چەم و دەریاچەیل سلێمانی

شەفەق نیوز/ وەڕەوبەر پۆلیس دارستان و ژینگە لە پارێزگای سلێمانی، ئمڕوو پەنجشەممە، راگەیان  هێزەێلیان بڵاوکردنە بان لیو چەم و دەریاچەیل ئەرا جیوەجیکردن بڕیار قەیەغەی راوەماسی. 

وەڕێەوبەر راگەیاندن پۆلیس دارستان و ژینگە لە سلێمانی عەمید هێمن کەمرخان ئەفەندی لە کۆنگرەیگ رووژنامەوانی ک ئمڕوو ئەنجامی دان وت، شایەت لە رووژ 5 ئادار راوەماسی قەیەغە بکریەێد وە گشت جۊریگ، لەوەر ئەوە هێزەیل وەڕێەوبەرایەتیەگە لە گشت کنار دەریاچەیل و چەمەیل دانانە، و بایەتە دانشتگەیل جیوەجی رێنماییەیل بکەن لەو ماوە وە هۊچ جۊریگ لە جۊرەیل راو ماسی نەکەن.

وتیش رووژ 16 ئادار ری  وە راوماسی دریەێد، باوجی وەگورەی رێنماییەیل، دووپاتکرد راوکردن لە ری( کارەبا ، ژەهر، گشت جۊرەیل تەقەمەنی) ریگە وەپی نێدریەێد لە گشت وەخت و ساعەتیگ، سەرپیچیکارەیل کەفنە وەر سزا. 

ساڵانە لە هەرێم کوردستان لە مانگ ئادار قەیەغەی راوەماسی کریەێد ئەرا ماوەی سێ مانگ چۊنکە  وەرزەد فرەوبۊنە لەناو ماسیەیلە.