ئەور و واران.. کەشوهەوای چوار رووژ بانان لە عراق
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە لە ناوچەی ناوڕاس وڵاتەگە نیمچە ئەورە و وەشەو بوودە ئەو تەواو، و لەناوچەی باکوور رووشنە تا نیمچە ئەور، و لە ناوچەی باشوور ئەو پەڵە دەێد و نمە وارانیگ وارێد، و کەمیگ وارانەگە وە شەو رفتەو بوود وەگەرد ئەور و بەڵاچە، و پلەی گەرمی لە گشت وڵاتەگە نزیک رووژەیل وەرجە خوەیە.
وتیش: کەشوهەوای رووژ چوارشەممە، لە ناوچەیل ناوڕاس و باشوور ئەور پەڵە دەێد وە واران ناوڕاس تا رفتیگ وارێد و بوودە ئەور و تریشقە، و لە ناوچەی باکوور ئەوە وەگەرد نمە وارانیگ وەگەرد ئەور و بەڵاچە، و پلەی گەرمی لە گشت وڵاتەگە چەن پلەیگ داوەزێد.
دەسەگە دیاری کرد ک کەشوهەوای ڕووژ پەنجشەممە، لەناوچەی ناوڕاس ئەوە وەگەرد نمە وارانیگ و کەمیگ زیاترەو بوود، وەگەرد ئەور و تریشقە، و لەناوچەی باکوور ئەور پەڵە دەێد و واران سووکیگ وارێد وەگەرد ئەور و بەڵاچە و دویای نیمەڕو خاسەو بوود، و لە ناوچەی باشوور ئەورە وەگەرد نمە وارانیگ تا وارنیگ ناوڕاس، وەگەرد ئەور و تریشقە وەتایبەت لە بەشەیل خوەرهەڵاتی، و پلەی گەرمی لە گشت وڵاتەگە جویر رووژیگ وەرجە خوەیە.
وتیش: کەشوهەوای رووژ جمعەی ئایندە لە ناوچەی ناوڕاس رووشنە تا نیمچە ئەورریگ، و شەوەکیان تەم دروس بوود کەمکەم پاکەو بوود، و پلەی گەرمی کەمیگ لە رووژیگ وەرجە خوەیە، و لە ناوچەی باکوور نیمچە ئەورە وەگەرد نمە وارانیگ تا وارانیگ ناوڕاسی لە بەشەیل خوەرهەڵاتی، و پلەی گەرمی نزیک رووژیگ وەرجە خوەیە، و لەناوچەی باشوور نیمچە ئەورە و جاروباریش ئەورە وەگەرد واران سووکیگ لە شوینەیلیگ جیاجیا، و پلەی گەرمی نزیک رووژ وەرجەخوەیە.
