پویچەوکردن مەترسیدارترین تووڕ بازرگانیکردن وە مادەی هوشبەر لە عراق

پویچەوکردن مەترسیدارترین تووڕ بازرگانیکردن وە مادەی هوشبەر لە عراق
2023-02-12T08:27:11+00:00
شەفەق نیوز/ وەزارەت ناوخۆ، ئمڕوو یەکشەممە، خەوەردا لە پویچەوکردن یەکیگ لە مەترسیدارترین تووڕ بازرگانیردن مادەی هوشبەر لەبان ئاست وڵاتەگە.

 وەزارەتەگە ئمڕوو لە بەیاننامەیگ وت، وەڕیەوبەرایەتی گشتی کاروبار مادەیل هوشبەر لە ئاژانس هەواڵگیری لە دویای ئەوەگ تیمیگ کارکردن پێکهاورد وە سەرۆکایەتی وەڕیەوبەر کاروبار مادەی هوشبەر کەرخ لە پارێزگای بەغدا، توەنستن ئۆپراسیۆنیگ جویری جیوەجی بکەن و یەکیگ لە مەترسیدارترین تووڕەیل بازرگانیکردن وە مادەی هوشبەر پویچەوبکەن و سەرۆکەگەیان وە ناو (کابوس)   وە ئەو توومەتە دەسگیربکەن و شمارەیگ ژنیش لە بازرگانیکردن مادەی هوشبەر کارکەن لە پارێزگای بەغدا، و دەسنریا وەبان بڕیگ مادەی هوشبەر و نارجەک و چەک ک وەپیان بویە.

Shafaq Live
Shafaq Live