وەفر وارین لە هەرێم و شیوەی نوویگ واران روی لە عراق کەێد
شەفەق نیوز/ وەڕێەوبەرایەتی کەشناسی و زەویلەرزەی هەرێم کوردستان، ئمڕوو جومعە، راگەیان واران وارین لە ناوەند پارێزگایل و فرەیگ لە ناوچە و شارەیل هەرێم وەردەوامە تاقمەگلی گڕمەهڕ هاوەگەردی.
وەڕێەوبەرایەتیەگە لە بەیاننامەیگ باسکرد، ئمڕوو جومعە 22 تەشرین یەکەم 2022 ئاسمان واراناویە لە گشت ناوچەیل هەرێم لە ئەنجام ئەو پاڵەپەستۆیەی دەریای ناوڕاس و دەریای سوور ک شەپوول وارانوارین رفتیگ لە ناوچە جیاوازەیل دروس کردیە.
دیاریکرد، ناوەند پارێزگایەیل و فرەیگ لە ناوچەیلە واران رفتیگ و گڕمەهڕ دوینێن وە خوەیان، هاتێ وارانوارین رێژەی ئاو بەرزەو بکەێد.
وەڕێەوبەرایەتیەگە پیشبین کەێد وەفر لەبان لوتکەی کویەل بەرز بوارێد و پلەی گەرما لە هەرێم کوردسان داوەزین وە خوەی بوینێد.
پسپۆر کەشناسی سادق عەتیە لە پۆستیگ لەبان تووڕ کۆمەڵایەتی "فەیسبووک" راگەیان، کەشوهەوای نوویگ کاریگەری لەبان عراق دروس کەێد ک هویچ جیاوازی وەگەرد ئەوەی ئیسە نەیرێد، وتیش کەشوهەوای قورسیگ پیشبینی کریەێد ئەرا رووژەیل سێشەممە و چوارشەممەی ئایندە.
دیاریکرد، ناوڕاس و خوەرئاوا و باکوور وڵاتەگە ئەو ناوچەیلەن ک فرەتر کەفنە ژیر کاریگەریەگە، ئاشکەرایکرد وەی نزیکەیلە هویچ شەپوولیگ سەرما نییە.
